小神燈新派飯館 (Closed)

今日去調景嶺到探朋友 朋友帶左我去左呢間裝修幾玩味嘅小神燈一入去好似去返舊時細個大排檔咁 不過呢間就比較精緻 好多有趣嘅圖畫店員招呼好好 坐底左就上餐前小食 係泰式雞腳筋 醃得好入味 酸酸地 十分開胃🥢腿茸菜膽雞 半隻雞大大件 面頭有啲金華火腿雞湯茸 啲生菜吸哂啲汁嘅精華 正 雞肉就算雞胸位都好嫩滑 喜歡食雞必點🥢原條燒慢煮牛肋骨牛肋骨上枱朋友都哇左一聲 牛肉連牛骨一整條上 好有霸氣 賣相已經好吸晴牛肋骨肉食落非常軟腍 好有牛香 肥瘦適中 配埋個汁食好滋味!🥢奇趣脆皮豬手豬手份量都係一整隻 食落個皮係超級脆!脆過薯片 但係啲肉唔會乾 整得好岀色 真係可以食好多件 太惹味了!🥢濃湯蝦滑魚腐煲用料豐富 個湯顏色同味道都好好 濃郁得黎帶啲奶香味 蝦滑鮮味 娃娃菜同魚腐好吸湯仲有啲好香口嘅什菌😋🥢哈哈哈大笑炒飯炒飯好似一坐山咁 面頭鋪滿住蝦仔 飯粒炒得有獲氣又好乾身 我食完一碗又一碗🥢仙人掌梳打特飲特飲大大杯 底下仲有啲椰果同爆珠 食大排檔一定要飲有氣嘅野先襯🤭餐廳食物份量大份而且好味 員工有禮 性價比高好適合同朋友黎聚餐開心share