樂天皇朝 (青衣城1)

Open Now

Now Closed

今日約左父母一齊去青衣城行街，到了晚飯時間，揀左呢度3樓嘅樂天皇朝。呢間係食上海菜架，門口已經有個大餐牌，可以睇下啱唔啱食先入去。再望真啲，原來呢度仲有個名堂叫「小籠包傳奇」，啱晒我同阿媽，因為我地都都好鍾意食小籠包架。座位闊落，檯與檯之間保留一定距離，而且走廊空間都好足夠，唔會有擠逼嘅感覺，咁食飯都舒服好多啦。三絲春卷食落有份淡淡嘅清香，原來係唯山，感覺特別，味道都唔錯喎。做蘿白絲酥餅其實都好考功夫，外層嘅酥皮喺油炸時要小心處理，否則好易爆開。味道方面，蘿白夠香口，內裡又夠濕唔會炸到乾晒，非常爽脆。呢度直頭有晒指引「教你如何享用皇朝小籠包」，睇得出佢地對客人嘅貼心。因為我同阿媽都好鍾意食小籠包，所以我地叫左兩籠。皇朝小籠包係呢度嘅招牌菜，而且仲攞個獎架。上面係8隻不同顏色嘅小籠包，淨係賣相已經先聲奪人，啱晒啲鍾意相機先食嘅人呀。下面係10隻原味嘅小籠包，師傅真係可以做到皮薄但又唔易穿，技術認真犀利。我試左黃色，啖啖嘅芝士味配小籠包，感覺非常特別，一試難忘。再食原味小籠包，一啖放入口，熱辣辣嘅湯汁喺口裡四濺，味道及口感都好滿足。跟住就係老婆最鍾意食嘅炸饅頭，點埋練奶食，真係無得輸呀。這