鼎泰豐

Open Now

Now Closed

去到「鼎泰豐」真係好多外國遊客🤣我反而有啲格格不入！其實我唔知咁樣係咪叫一個好嘅服務態度🫣🙂‍↕️定唔知餐廳係咪落咗order啲員工一定要咁我哋未落單之前啲員工不停咁望住我哋，我哋落咗單之後啲員工就開始不停咁拎我哋張單出嚟睇，到啲餐到咗佢又不停咁望我哋張枱，當然啲員工咁留意你，啲嘢一食完就會有人幫你收，啲茶冇咗就會有人幫你斟！但係成個食飯過程都真係有啲壓力同壓迫感🙂‍↕️好似不停有人係咁望住你，對I人嚟講真係食得有啲辛苦♦️排骨蛋炒飯呢個排骨真係台式嘅排骨，係無骨，比較薄身，個排骨真係好有台灣味道，有五香粉味！炒飯好有鑊氣，粒粒分明，熱辣辣，係好味！♦️小籠包唔知係咪期望太高，反而有啲小失望。入邊係有肉汁，不過食落啲肉餡好似爭啲，唔及台灣店之餘，竟然有小小感覺我最近先去食完嘅翡翠小籠包仲比佢好食🥲♦️酸辣湯佢材料係好足，不過唔知係咪我食得重口味，硬係覺得佢唔夠酸又唔夠辣🫣♦️蝦肉煎餃個餡都足料，而且夠脆同唔油膩，good！♦️荔芋小籠包每次去親鼎泰豐一定會叫❤️個人最喜愛🤩芋泥好幼滑香濃，甜度啱啱好❤️正！