樂天皇朝薈萃

Open Now

Now Closed

喺Airside 嘅樂天皇朝薈萃宜家做緊$10優惠，唔怪得晚市勁多人，7:30左右已經full House啦，想去嘅話記得book枱。🥢招牌原味小籠包（10粒）$125超鍾意食小籠包嘅，我哋叫咗一籠十隻。小籠包外皮鮮嫩，肉餡滿滿，一口咬落去，肉汁在口中爆發，令人一試難忘，加少少薑醋，清新又去膩。🥢木樨肉炒拉麵 $93原來係因炒雞蛋色黃而碎，類似木樨而得名。有木耳絲，蛋絲同肉絲做配料，炒得香氣四溢，好惹味，但又唔會過鹹，拉麵嘅質感彈牙，整體不錯。🥢上海炒年糕 $95年糕口感煙煙韌韌，Q彈有嚼勁，加上爽口娃娃菜同肉絲一齊炒，令人一口一口食唔停。🥢宮廷驢打滾 $50個名幾得意，其實係黃豆粉紅豆糯米卷。糯米的質感軟綿綿，捲着冰凍嘅紅豆蓉。紅豆嘅甜味和糯米嘅黏性完美融合，令人感到好滿足。