金牌小龍 (Closed)

今日去左尖沙咀isquare 睇戲，因為睇9點幾仲有兩個鐘淨低，就係附近食個晚飯先，見到呢間金牌小龍，都好想食下上海野，尤其是小籠包！餐廳除左有上海菜仲有台灣菜選擇，係尖沙咀黎講呢間都算十分抵食，平均30-60就有個麵食！我地唔算好肚餓，先叫我地最想食既小籠包！一籠有5件，我就叫左個蟹黃小籠包，皮夠薄，入口湯汁爆哂出黎，又唔會一夾起就穿個皮！蟹黃味道好鮮甜呢！另外我地仲叫左個醉雞，醉雞既酒味好香，入口帶點微微既酒味，唔會過濃，雞肉非常嫩滑唔鞋身，而且無骨所以食得好方便，涼涼地好開胃呢！呢度價錢唔貴又好味、下次黎開尖沙咀都會再食！