漁米之鄉 (Closed)

姨丈生日，我們做後輩的，當然要約埋幾個老表，一齊過去馬鞍山跟他慶祝一下囉！亞姨一家都是魚米之鄉的忠實Fans(因為他們過來較方便)，甚麼節日，都是在這間慶祝，我都嚟過好多次，但第一次打食評。 今晚叫了燉雞腳湯(雞腳出油，湯面很油，但好飲的)，椒鹽鮮魷(粉漿唔夠薄，唔夠脆)，粉絲雜菜煲(ok的)，粟米班塊(好味)，蓮藕餅(好好食，叫了兩碟)，蝦伊麵(麻麻地，唔吸引)，咕嚕肉(我冇試，他們說好)，魚香茄子(咸魚味唔夠，但餸飯唔錯)，蒜豉蒸盤龍鱔(白鱔好肥美，超正)，紅燒豆腐(味道ok), 總結: 街坊菜館，不管白天飲茶點心或晚市小菜，整體都算不錯，當然，畢竟是街坊聚腳地點，有些街坊與少部份侍應，會有獨特本土粗口文化溝通方式，未必個個人都接受，坦白講，如果唔係想陪吓老人家，我真的不會主動叫來的😂，但老人家開心，甚麼都沒所謂了。