漁米之鄉 (Closed)

去左呢間馬鞍山恆安邨商場3樓魚米之鄉飲茶，服務一般，我覺得因為人手唔夠，環境一般可能太舊，食物質素還可以，我鐘意呢到嘅腸粉，佢嘅腸粉啲皮都好滑漏好好味，其他野食就都可以，唔係太差，正正常常。

若行經附近，可以來試試！晚市小炒夠鑊氣，來料加工約$80-110款，服務街坊多年，富人情味，晚市平均每人$200，又有鑊氣又食得自在。屋邨酒家，環境不過不失，裝修可以的，冷氣足夠，枱與枱空間充足，食飯環境算是舒適。門外有小空地，外望一片天空，亦可呼吸新鮮空氣，是一大特色！街坊生意，基本上早午晚都有一大堆人，由早午的茶市，到晚上小菜，加上外賣加餸，都是呼吸著人間氣息。員工服務方面，用人不多，一個侍應照顧6-8枱客，不能要求太多。預街坊小店的水平來試試，都應會令人喜出望外！

真心食物質素不過不失，其實呢樣都算，屋村酒家你想點。但最興今晚臨埋單前我老父只係問了一句點解啤酒會貴左，突然個收銀仔(後生)發難而帶點激動「你食咩餸呀 !」「我問你食咩餸呀 !」其實係我地睇漏左跟某些菜啤酒係平啲, 點某些菜係會跟返原價，但今晚父親節我地都係簡單問佢一句就即場黎料，話哂都係你個客簡單解釋返原因唔得!? 記得年半前食過佢伙記都係咁上下態度，黎左個餸但個白飯等左好耐未到就問佢伙記，又係黎料話白飯梗係等餸上齊先比你啦，其實都上左個餸比個白飯我都好合理啫。呢間嘢特別見你得兩三丁友食飯，見你好恰，問多兩句發發老脾。間野咁多年係條村開咁耐, 大家街坊街里做街坊生意但係半點人情味都無。真係當你乞衣, 執左咁多間有原因。

姨丈生日，我們做後輩的，當然要約埋幾個老表，一齊過去馬鞍山跟他慶祝一下囉！亞姨一家都是魚米之鄉的忠實Fans(因為他們過來較方便)，甚麼節日，都是在這間慶祝，我都嚟過好多次，但第一次打食評。 今晚叫了燉雞腳湯(雞腳出油，湯面很油，但好飲的)，椒鹽鮮魷(粉漿唔夠薄，唔夠脆)，粉絲雜菜煲(ok的)，粟米班塊(好味)，蓮藕餅(好好食，叫了兩碟)，蝦伊麵(麻麻地，唔吸引)，咕嚕肉(我冇試，他們說好)，魚香茄子(咸魚味唔夠，但餸飯唔錯)，蒜豉蒸盤龍鱔(白鱔好肥美，超正)，紅燒豆腐(味道ok), 總結: 街坊菜館，不管白天飲茶點心或晚市小菜，整體都算不錯，當然，畢竟是街坊聚腳地點，有些街坊與少部份侍應，會有獨特本土粗口文化溝通方式，未必個個人都接受，坦白講，如果唔係想陪吓老人家，我真的不會主動叫來的😂，但老人家開心，甚麼都沒所謂了。

用隱世酒家形容這間在恆安商場內隱蔽位的酒樓，是最合適的形容詞。自問都經常出入呢到，但就真是一直都唔知有漁米之鄉，一來位置唔顯眼，二來商場外又冇水牌，所以今次都是朋友介紹帶來，先知呢到有酒樓呢。店面不大，像一般茶餐廳的大小，整體我估可以坐20枱左右，主要都是做街坊生意，門外都有幾枱，是俾吸煙朋友坐的。當晚我們有大有小，坐最近門口的店內位置，所以當門打開左，煙味就直撲我地了，所以當有人冇順手關門，我地就要自己拉番好隻門, 所以有點美中不足。周日晚上佢地都有供應3小菜套餐，$248未計加一及茶錢，包自選3個小菜及一個湯，未包白飯。小菜都大碟，不過今次中左伏既係, 唔知佢個七彩魚柳，原來都係D甜甜酸酸味既小菜, 搞到我地又叫左咕嚕肉，基本上兩碟都是一樣味的，有點奇怪。另點左個蒜香蒸開邊娃娃菜，煮法好新鮮特別，不過成碟夾埋得三棵娃娃菜，就真係太少了。整體都OK，平常晚飯來講, 一家4口都夠食。

漁米之鄉 is a 粉麵餐廳 in Ma On Shan and i am surprised that it has another branch of 茶樓 in Heng On. 5 dim sum for two of us during lunch. $97 all included at standard quality. $5 each for tea. Abundant choices from the lunch discount list. Overall all taste pretty well. Could go again.鮮竹卷Steamed beancurd sheet roll煎米雞Steamed glutinous rice roll (pan-fried)My first time trying pan fried steamed glutinous rice roll. Fried with an egg on top of the rice roll and was quite oily. I prefer the traditional st

得閒就會落樓下食哩間酒樓，因為成日都會有一兩樣野做特價， 今次叫左個雜菜煲、沙爹肥牛、風沙雞，沙爹牛汁太多，不過味道還可以，雜菜煲好難整得唔好食，所以都okay,風沙雞係比較特別小小，辣辣地同埋幾香，今次嘅雞件幾嫩，炒得又香！埋單時仲有桂花糕送添，非常飽嘅一餐！

當日本來想去西貢下午茶.但在馬鞍山下午2時也沒有吃東西.在呢間漁米之鄉門口誤以為是酒樓.應該好大間.坐位舒適.怎料入去店內一看環境.格局只像普通茶記.5分鍾後.在最角落找到4人卡位.和待應說只有二人.可否收走二套碗碟,待應晦氣回應.一陣有人撘枱,不可以..該4人位相當窄,而且有東西障礙.會撘枱.機會極微,服務不過不失,不太好也不會難以接受.掦州炒飯45元:飯粒濕身,而且過鹹,材料主要是菜.义燒.蝦.炒成,义燒味道還帶點鹹香,蝦是完全零味道,只是肉質仍彈牙.味道可能不合心意,但勝在份量十足.2人吃一碟.也飽8成.炸多春魚23元:非常大碟,即叫即炸,每條也熱辣辣,卜卜脆,十分香口.炸粉亦不厚身.已完全吸油,零油份,相當不俗炸雞翼23元.同是即叫即炸,完全吸油,拿上手熱辣辣.而雞翼大大隻.咬下肉汁豐盛.肉味相當濃厚.炸物食不完.送了給印尼人食.計服務,.同掦州炒飯差.炸物不俗,所以給ok評分

真係一肚火~ 毫無操手~ 冇心工作~!!!各兄弟~事件如下講真對E間野已經冇要求~但係事旦求其同冇得選擇下唯有去食話說我當日叫O左一個雞扎 一啖咬落去 ( 通常小弟食雞扎 係一扎扎咬落去,除O左舊式雞扎)就覺得E 凍冰冰又生生地 ~ 就同個疑似經理講( 都要叫成個字先有人) 佢地D 扎唔熟亞經理話O甘我同你換啦~ 15MINS 過後經理送上另一碟...我就整閞塊皮睇睇先...WA~~ 仲生過之前 即刻叫經理黎 ,即刻同佢講又係O甘WO~仲生過之前, 你地廚房攪乜O架...講講講完之後...佢仲好有勇氣O甘問...再等多碟MA....我真係唔知好嬲定好笑...即刻埋單走人.....

這晚係提早慶祝母親節﹠妹妹生日飯，父親大人唔想去咁遠，就在家樓下食呢！這間酒樓係恆安邨最好食呀！這間酒樓細細間，間局﹠坐位也舒適，我們6：45去到，得一台客，不用等位 嘩！這酒樓真係好抵食，小菜點3個送1個，通脹底下都咁平，又好味！ 大千雞煲：味道係唔辣的，汁收得好乾身，不會杰杰的，好入味，配料有乾蔥，芫茜入晒汁的味道，我鐘意 魚香茄子煲：妹妹很喜歡，熱騰騰呀！好野味，撈飯一流 椒鹽多春魚：勁抵！＄28 呢個真係爆正囉！好想去食多次，雖則好熱氣 粉唔厚，好脆好大條，魚又唔腥，正呀！ 薑蔥魚雲煲：味道不錯，但魚雲碎了些 南乳粗斎煲：南乳好入味，又係撈飯精選 我地不知不覺點了很多煲仔菜 但確實這裡的煲仔菜真的很不錯，一家人食得好開心！預祝妹妹生日快樂！﹠ 媽咪母親節快樂呀！