Video
Read full review
2022-12-20
27 views
📍 八拾台式串燒小鋪一間，毫不簡單；鋪頭細細，光鮮亮麗；調味認真，燒烤用心；價錢平民，會再幫襯。烤五花肉卷好味！肥瘦均勻，肉味香。捲住喺中間嘅迷你蘆荀（？）夾住食無咁漏。👍🏻烤豬仔髀比較少串燒舖有得食呢一種。可能因為我地放咗一陣先食，肉咬落去少少乾，不過都仲好好味，有啲似無咁肥嘅金沙骨。烤大漠羊肉串勁好奇到底咩係大漠🧐上到台一睇就知係佢。支籤係走大自然風，好似用枝樹支叉住幾粒羊肉咁😂食落去勁重香料味，同埋羶味比較重烤雞軟骨/2串一串都有五六粒雞軟骨 唔係好大粒 不過面頭都鋪滿咗勁香嘅調味粉 食完唔夠嘅感覺 好味🤩烤年糕本身驚佢會無乜味或太乾，但兩樣都唔使擔心！調味同濕度都啱啱好，外皮仲燒到有少少脆，好有口感！烤豆皮第一個嚟嘅串串就係呢個，佢個樣就唔太討好，但咬落去有驚喜！見識少，無食過呢隻燒豆皮，入面包住一啲蒜蓉，超香口又唔亁！😆烤翠玉瓜正常，吃落去有汁滲出嚟，香料味唔會蓋過本身嘅瓜味。烤饅頭又要讚了 呢四舊饅頭放低烘烘 面頭脆住放入口真係好味 仲有佢個煉奶甜但唔係死甜 而係啱啱好夾住呢個饅頭 食完完全唔會膩而係想再食🥹烤杏包菇有三舊真係好大嘅杏包茹 烤咗外面少少硬 一咬就入口即化 入
[TLDR]
小鋪一間，毫不簡單；
鋪頭細細，光鮮亮麗；
調味認真，燒烤用心；
價錢平民，會再幫襯。
[/TLDR]
烤五花肉卷
好味！肥瘦均勻，肉味香。捲住喺中間嘅迷你蘆荀（？）夾住食無咁漏。👍🏻
烤豬仔髀
比較少串燒舖有得食呢一種。可能因為我地放咗一陣先食，肉咬落去少少乾，不過都仲好好味，有啲似無咁肥嘅金沙骨。
烤大漠羊肉串
勁好奇到底咩係大漠🧐上到台一睇就知係佢。支籤係走大自然風，好似用枝樹支叉住幾粒羊肉咁😂食落去勁重香料味，同埋羶味比較重
烤雞軟骨/2串
一串都有五六粒雞軟骨 唔係好大粒 不過面頭都鋪滿咗勁香嘅調味粉 食完唔夠嘅感覺 好味🤩
烤年糕
本身驚佢會無乜味或太乾，但兩樣都唔使擔心！調味同濕度都啱啱好，外皮仲燒到有少少脆，好有口感！
烤豆皮
第一個嚟嘅串串就係呢個，佢個樣就唔太討好，但咬落去有驚喜！見識少，無食過呢隻燒豆皮，入面包住一啲蒜蓉，超香口又唔亁！😆
烤翠玉瓜
正常，吃落去有汁滲出嚟，香料味唔會蓋過本身嘅瓜味。
烤饅頭
又要讚了 呢四舊饅頭放低烘烘 面頭脆住放入口真係好味 仲有佢個煉奶甜但唔係死甜 而係啱啱好夾住呢個饅頭 食完完全唔會膩而係想再食🥹
烤杏包菇
有三舊真係好大嘅杏包茹 烤咗外面少少硬 一咬就入口即化 入面有好濃嘅汁😍
清酒煮蛤蜊
呢個煮蛤蜊99%係我心目中嘅味道🫶🏻 首先飲一下呢個熱辣辣嘅「湯」 有蛤蜊嘅鮮甜味同埋清酒嘅香 再加上蒜香真係好夾😭 同埋入面都有大概十粒肥美嘅蛤蜊 只有一粒係有少少沙 個1%係覺得可以再重啲酒味 但整體呢個價錢真係好抵👍🏻
烤金針菇肥牛
大細啱啱好，可以成舊食，唔使咬極都唔分開。金菇燒得啱啱好唔會太乾。
烤台灣白鳝
鱔唔算係太肥，但燒得好，皮脆肉嫩。
烤四季豆
加單想叫啲菜所以就叫咗四季豆，咁大串好抵食。
烤甜玉米
想大讚呢個🥰 以為得一條點知上到嚟係一人一條 燒得好香面頭脆脆地 咬落去又多汁又甜 食完飽得啱啱好🥹
總體嚟講呢間鋪睇落鋪面細，裝修樸素，望落普通，但真係值得推介。
個人嚟講覺得串燒最緊要三樣嘢：食材，調味，燒烤功力。雖然食材唔係食過最好最新鮮，不過呢個價錢我可以接受。另外，我真係好怕半啖粉半啖肉，好着重調味要豐富得嚟，唔好搶咗食材本身嘅鮮味，呢間確實做到調味加乘，唔搶風頭。燒嘅部份feel到用心，每次落單都要啲時間，製作用心。上到台又有個爐仔加熱保温，唔使攤到凍晒。同埋肉類處理得好好，食落去唔會太油膩。
而且店面同廚房好似都係一家人小本經營，食落有份温暖感。🥰🥰
八拾台式串燒 (旺角)
🍽️旺角砵蘭街109-113號偉華商業大廈地下B號舖
4 views
0 likes
0 comments
8 views
0 likes
0 comments
3 views
0 likes
0 comments
7 views
0 likes
0 comments
2 views
0 likes
0 comments
Post
