八拾台式串燒

Open Now

Now Closed

經外賣平台訂餐，只係叫左4樣野食，羊肉串、牛舌、雞皮、豆皮，然後落完單俾埋錢又唔俾訂，商家自己取消張單，打俾佢了解，只係冷冷咁講左句「張單做唔到。」 然後沒然後🤷🏻‍♀️吓？咁淨係講張單做唔到又唔講吓點解，我問我叫果4樣野都冇？佢答係，咁當初冇呢樣食材點解又可以俾客人選擇？ 我只係7:18pm分落單，果個時間都唔係就嚟收工既時間，又唔會問吓改唔改食其他野，完全唔係做生意嘅！ 退款又要hold我幾日先退得返俾我，呢個舖位一向做唔長，而家仲要咁既生意手法同態度，嗯，可以估吓佢下個接手係做乜生意了🤭

旺角區的串燒店有不小但這家店走小清新風又明亮以木系和白色調裝修和其他串燒店形成強烈對比而且每枱上面都有一個小爐令串燒保溫，我覺得很好👍🏻🐑烤大漠羊肉串 $18如果喜歡吃羊的一定很愛😂羊肉嫩滑且羊羶味濃，羊肉控必點！🐦麻辣鴨血 $68份量適中，有麻香味，固定辣度但不算辣，能吃小辣的都可以吃得到🍶清酒煮蛤蜊 68份量算多，蛤蜊用清酒煮更突顯鮮味，拿來佐酒很好👍🏻烤雞腎$28/2串，烤雞軟骨$30/2串，日本廣島縣雞心串$28，烤五花肉$28/2串，烤新鮮牛肉$48/5串，烤四季豆$18

好耐冇食串燒喇，就約埋朋友去食個串燒。見到呢間串燒幾好，就入去試下！入面有我最愛嘅鴨血，我即刻嗌咗碟麻辣鴨血，質地好彈牙！味道又麻又好香口，真係好正啊！性價比高！

上次吃串燒，是在旺角吃的重慶燒烤，今次吃的則是同區的另一間小店「八拾台式串燒」。店舖很細小，不過店外仍擺放有兩張桌子，方便喜歡在室外用餐的客人。「錫紙蒜蓉娃娃菜」（$38/份）最先送上，下了蒜蓉的浸娃娃菜，好味！「烤BB蘆筍」（$23/串）簡簡單單的，是這晚吃的另一款蔬菜。「烤五花肉卷」（$28/串）的五花肉雖不太肥，但油潤而帶脂香，味道還不錯。「烤年糕」（$18/串）軟軟糯糯，煙煙韌韌的，都幾好味。因為價錢吸引而叫了兩串的「烤大漠羊肉串」（$18/串）雖然抵食，不過羊膻味就不太濃，不算太吃到羊肉的獨有味道。一串三大件的「烤厚切牛舌芯」（$48/串）是不錯的，夠厚身，有口感，好吃。「烤台灣白鱔」（$48/串）不算十分肥美，但肉厚多汁，仍然不錯。「烤挪威三文魚腩」（$48/串）骨多肉少，也不太夠味，不推薦。

油麻地串燒多﹗但裝修企理光猛，感覺小清新又溫馨嘅～我會揀高度推介呢間新開嘅「八拾台式串燒」💛八拾台式串燒同好多小清新Cafe一樣，以木系色調同白色做搭配，喺砵蘭街嘅數間串燒店形成強烈反差感。一般串燒店油煙強嘅感覺，係呢度完全唔覺，枱櫈、餐具等等全部都感覺好乾淨。另一個特別之處，就係每張枱都有嘅呢個白色爐上面加鐵片同牛油紙～我見同場有人問係咪要自己燒🤣店員解釋返係用嚟保溫的，下面可以點著爉燭，就算一次上好多串燒，但可以Keep 到其他串燒嘅溫度，呢個想法我覺得好好﹗（叫企喺客人覺度設想的喔～）食物方面，整體價錢唔算好貴，串燒款式選擇都好多，仲有主食熱食等等，一定食得飽，性價比我覺得算唔錯，係鯇魚價錢偏貴。白鱔都要$48 不過就燒得好好味﹗想瘋狂食XD- 其他仲叫咗串烓必叫嘅烤牛舌 $28，切得啱啱好牛舌唔會好韌好細塊（另外仲有牛舌心但今次冇叫）- 叫咗平時幾乎冇見過串燒店有嘅 烤雞頸肉 $30，雞肉爽嫩 彈牙﹗值得一試﹗ 另外仲有烤雞腎 $28、烤雞皮 $30，款式多，全部都燒得幾好，調味又唔會太重手﹗- 仲有平時居酒屋先有嘅﹗日本德島縣雞肝 $38 都叫咗，雞肝大家記得一定即刻食先食度

是日·串燒夜🤤出開旺角去咗朋友介紹嘅呢一間台式串燒💖小店乾淨開陽💫一入到去侍應就好有禮貌咁樣招呼👍🏻鍾意呢度有個小烤爐可以熱住d野食🤤啱晒吹水食飯一流😚我哋入到去嘅時候已經坐滿左大半人其實有少少淆底啲嘢會等好耐🤣但出奇地啲嘢食都黎得幾快😋今日叫咗都幾多嘢食😍厚燒牛舌心💫燒雞皮💫台灣白鱔💫燒茄子💫砂糖麵包💫燒饅頭💫燒薯片💫💖燒五花肉💫燒冬菇💫錫紙娃娃菜💫燒翠玉瓜💫重有太多不能盡錄🤣🤣今次真係超正因為冇一樣嘢係中伏🤣我好鍾意食燒薯片仲encore左兩份💖豬牛肉一d都un 仲要勁有肉味🥰只可惜原本想叫埋甲羅燒點知太好賣賣晒😞整體嚟講呢度性價比幾高😋而且服務態度幾好係有一間有氣氛有熱情嘅小店👍🏻下次可以再encore💖

今日同朋友過咗嚟旺角行街，經過砵蘭街嘅時候發現咗依間隱世既台式串燒😝✨ 喺香港好難搵到台式串燒既餐廳，所以我同朋友一見到之後就二話不說走咗入嚟食💓首先一入到嚟，餐廳環境好乾淨闊落，裝修好文青，絕對係打卡able🥳 而且每個座位嘅枱面都有一個烤爐，所以就算叫得多都唔會驚啲串串擺凍咗唔好食😚 依度嘅老闆超級好人，非常Nice同埋有人情味，喺香港已經難能可貴🥹食物種類亦都非常豐富，除咗各式各樣嘅串燒之外，仲有小食同埋唔同種類嘅嘢飲，每樣都好高質😛✨ 烤q彈小魷魚🦑必食推介，亦都非常之抵食同埋親民，總共有10串😚 每一串都同佢個名一樣，非常彈口同埋新鮮✨烤新鮮牛肉又係另一樣嘅必食推介，牛肉味好濃，鮮嫩多汁✨烤雞中翼、豬頸肉、牛柳粒、洋蔥片同埋多春魚都係另外特別推介嘅嘢食😚 每一樣都好新鮮同埋肉質鮮嫩😚❤️

這間燒烤店已經試左3次，這次終於忍不住要分享俾大家！燒烤款式有好多，尤其推介糖烤牛奶方包！外脆內軟，非常滋味。雞泡魚乾也是必食之選，配上蛋黃美乃滋，簡直是絕配。而且雞泡魚乾燒得香脆，沒有一點腥味！老闆同店員服務態度好好，關心客人對食物的意見，環境舒適，值得一試！

👉🏻八拾台式串燒👈🏻好耐冇食串燒喇，同朋友約咪去食個串燒先，見呢間串燒嘅裝修同價格都好合理，又有好多吾同嘅選擇😆加咪個海鮮係每日去街市買嘅，以保持海鮮串燒嘅新鮮🦐🦑我地就決定試下佢，一入去就見餐廳提供一個類似鐵板嘅底，可以令食物保持熱度。另外我地嘅燒烤全部都係微辣，呢個辣度岩岩好，唔會太辣，適合大部分嘅人食用😁員工又勁好服務，又乾淨，真心好推介👍🏻🌟烤台灣小香腸 $18香腸個外皮燒得好脆😄一咬開入面有好juicy,入面嘅孜然味道好濃郁，腌得好入味，脆卜卜，真係好好食😋🌟麻辣鴨血 $58鴨血嘅口感好緊實，好彈牙，入面有蒜頭🧄辣椒🌶️同蔥花去僻味，完全遮蓋鴨血個腥味，個味道辣辣地，又香口，浸住個超正嘅醬汁真係一流👍🏻🌟烤安格斯牛仔骨 $48牛仔骨嘅火候岩岩好🐂個牛肉好嫩😋唔柴，咬落去係好juicy架🤭雖然上面有孜然，但係個牛肉味道都係好突出，好好食👍🏻👍🏻🌟烤新鮮牛肉 $48個牛肉烤得好滑🐂上面加左孜然粉令個牛肉變得好香口，而且份量又多👍🏻又吾肥，愈食愈忍味😋🌟烤大漠羊肉串 $18羊油加羊肉個配合prefect🐏口感好滑，而且個羊肉係食吾岀個羊騷味架😆🌟烤年糕 $18外皮好脆卜卜，入面嘅年糕

旺角真係多咗好多串燒店，除咗日式同川味之外原來台式都有，感覺就似川日混合，但又好好味食串燒一定少不了牛舌，仲要係厚切版，超彈超juicy五花肉反而薄如煙肉，但就脆卜卜好似薯片芝士年糕都好正，由於所有串燒都會放上烤爐保溫座熱放多陣年糕更金黃脆口，裡面更係勁流心大胃唔太好丸類串燒，但呢串花枝丸相當令人成癮，好香口好有感羊肉串充滿孜然香，肉質嫩口，好食過街邊大大串嗰啲肉燥飯極之有驚喜，肉燥好足料好香綿，油香肉香令碗飯更吸引，熱辣辣香噴噴胃民熱愛粟米，大胃嗌份畀佢，由於太好食，第二條佢都食埋茄子都幾大塊，燒得幾綿，一夾成條肉起，勁香嫩冬天食鱔就啱晒，呢間燒到外皮脆身，魚肉爽滑日本雞肝估唔到咁大串，膶味齒頰留香

琴日去咗旺角搵野食，喺油麻地附近見到呢間台式串燒，雖然餐廳地方不算大但裝修走木系風格，系溫馨小店feel ～呢度落單系用QR code 自助落單，好方便！店員都會介紹下當日有咩推薦燒物，今次就介紹左燒扇貝同牛舌心，店員話海鮮係即日喺街市買，所以非常新鮮！所以我都嗌咗隻鮑魚同扇貝，配埋d蒜蓉，超惹味！另外仲嗌左牛舌心(記住系烤厚切牛舌芯)、豬頸肉、雞翼、韭菜，好似牛舌心真係好有口感，咬落去好有驚喜，超淋身！店員果然無介紹錯～全部串燒喺落單時都可以揀辣/唔辣，覺得呢點都好好！！

吾講吾知原來旺角有條街專食串燒，今日約左朋友食飯路過先知，地點係創興後面，呢間” 八拾台式串燒”好新，不過地方偏細，好彩吾算多人，最特別係有個台式烤爐保溫，就算相機食先都吾怕d野食會凍兩個人點左個主食先，麻辣鴨血湯麵，叫左微辣，個湯好香，鴨血有5塊，質感好飽滿，吾易散，仲有3塊魚腐，好入味，麵條又滑又爽串燒有娃娃菜，尖椒，年糕，墨魚丸，菠蘿，豉椒牛粒，豬頸肉，冬菇，錫紙金針菇全部都燒得好靚，size 又大份，好抵食最好食係菠蘿勁甜又多汁，墨魚丸好彈牙又大粒，燒得好香口，錫紙金針菇勁香蒜蓉味一枝烏龍茶share ，仲有隻雪凍咗嘅杯，好貼心價錢仲要勁平，十個讚

📍 八拾台式串燒小鋪一間，毫不簡單；鋪頭細細，光鮮亮麗；調味認真，燒烤用心；價錢平民，會再幫襯。烤五花肉卷好味！肥瘦均勻，肉味香。捲住喺中間嘅迷你蘆荀（？）夾住食無咁漏。👍🏻烤豬仔髀比較少串燒舖有得食呢一種。可能因為我地放咗一陣先食，肉咬落去少少乾，不過都仲好好味，有啲似無咁肥嘅金沙骨。烤大漠羊肉串勁好奇到底咩係大漠🧐上到台一睇就知係佢。支籤係走大自然風，好似用枝樹支叉住幾粒羊肉咁😂食落去勁重香料味，同埋羶味比較重烤雞軟骨/2串一串都有五六粒雞軟骨 唔係好大粒 不過面頭都鋪滿咗勁香嘅調味粉 食完唔夠嘅感覺 好味🤩烤年糕本身驚佢會無乜味或太乾，但兩樣都唔使擔心！調味同濕度都啱啱好，外皮仲燒到有少少脆，好有口感！烤豆皮第一個嚟嘅串串就係呢個，佢個樣就唔太討好，但咬落去有驚喜！見識少，無食過呢隻燒豆皮，入面包住一啲蒜蓉，超香口又唔亁！😆烤翠玉瓜正常，吃落去有汁滲出嚟，香料味唔會蓋過本身嘅瓜味。烤饅頭又要讚了 呢四舊饅頭放低烘烘 面頭脆住放入口真係好味 仲有佢個煉奶甜但唔係死甜 而係啱啱好夾住呢個饅頭 食完完全唔會膩而係想再食🥹烤杏包菇有三舊真係好大嘅杏包茹 烤咗外面少少硬 一咬就入口即化 入

📸八拾台式串燒同朋友係旺角行完街 見到有間叫台式串燒感覺幾特別就諗住試試佢餐廳位置唔多 大概有5枱左右但反而幾溫馨 家庭式咁電視仲會不斷播住台灣綜藝添架▫️每枱枱面都擺咗個爐仔用於放串燒架冬天慢慢食都唔怕食落肚凍冰冰🍴串燒系列。烤豆皮 $18第一次見烤豆皮 當然要試吓啦原來係豆皮包住蒜頭同串燒醬料再串起燒到微焦 外皮香脆入面又軟淋淋調味唔會太咸 幾惹味。烤雞軟骨 $30 2串。烤雞髀鎚 $38燒得乾身又夠香脆仲可以揀辣定唔辣唔夠味仲可以自己額外加架😍🍴香辣煮蛤蜊 $68麻辣湯浸住大大隻既花甲新鮮得黎又無沙 仲爆曬汁架🥹🥹🥹👉🏻餐廳仲有主食可以叫架台式紅燒牛肉麵 肉燥飯都有#wwh食勻旺角#wwh台灣菜#wwh串燒

🍢睇完戲諗住附近覓食，見到尼間開左無耐既串燒店，就走左入去試下，舖頭唔算大，但食物選擇多，除左串燒外，仲有其他小食同主食😋💁🏻‍♀️ 全部串燒揀左微辣，另外有特辣可以揀🔸烤韮菜韮菜唔會燒到好乾身同燶左，除左食到好香孜然味，仲食到韮菜既香🔸烤新鮮牛肉好香香料味，牛肉軟腍🔸烤五花肉薄薄一片，燒到脆卜卜，無油膩味，食落少少似豬肉紙🔸烤虎皮尖椒尖椒好大條，本身帶少少微辣，口感爽脆帶椒既甜味🔸烤饅頭炸饅頭就食得多，燒既都係第一次🙈外脆內軟，配埋煉奶超正🔸大漠羊肉串尼個必食，羊肉味濃，帶少少羊羶味🔸烤雞皮脆卜卜帶咸香，唔怕邪惡可以食多幾串🤭🔸烤雞腎細細味，食落爽脆，無腥味同雪味🔸烤茄子串燒必點，茄子係原條😍仲要好大條好多肉，蒜蓉味超香🔸烤臺灣白鱔魚皮白雪雪好新鮮，肉質都幾厚身，咬落爽脆🌟有個爐助熱住啲串燒，就唔會咁易凍整體推介指數 : 🌕🌕🌕🌕🌗