泉昌美食 (Closed)

終於來到最後一站，本來係想坐低食嘅，不過今日真係太熱喇! 明知攞走食會無咁好食，但無辦法，唔想攪到成身汗!要咗臭豆腐同一串咖哩魷魚攞返公司食，好彩今日D臭豆腐唔臭，如果唔係唔知點搭地鐵!! 不過食落先知大鑊! 原來係真係無咩臭味，而且唔係好唔入味，入面D豆腐仲好實，剔除因為我要買走而令到外層淋晒，單計唔入味同豆腐實已經唔合格，上次去到街口已經聞到臭味，今次企正係檔口都聞唔到，唉…失望。咖哩魷魚就攞返小小分，凍咗都好有咖哩味，爽口唔太辣，怕辣嘅朋友都可以接受。