三多炸肶 (Closed)

排咗好耐隊買珍珠奶茶，想食炸雞扒，就跟朋友去左三多，其實冇食過，但朋友話唔錯，所以就跟住試下~ 旺角呢間都算幾大間，一去到裏邊已經有人坐咗喺度，都算幾多人，我以為係淨係買完炸雞扒就即刻走，冇得坐嘅地方，點知佢位置都好多，仲要鋪頭唔算好細我哋兩個都買咗招牌～ 等咗大概10分鐘左右，就有得拎，仲要拎上手嘅時候熱辣辣，好似啱啱新鮮炸咁樣 真係好正！咬咗一啖，發覺炸得好好，外面皮好脆，裏面嘅肉超級嫩，而且食落會食到汁，唔會炸到好乾 雖然炸雞扒嘅地方真係好多，但係我覺得呢間都唔算好差！肉又幾大塊值得一試！