我愛慢煮 (普慶坊) (Closed)

新年期間，食左好多好野，為左忍口，所以一直都無認真發掘新餐廳。終於….今個星期五解放啦~~!! 搵到上環有間新開既慢煮小店，於是相約朋友去試下。之前打電話黎，職員話一定要BOOK枱，但餐廳位置較靜，而且唔係好起眼，我同朋友6:30黎到成為第一枱客人。不過，到左7:30左右，餐廳已經8成滿，期間更有客人因無BOOK枱而摸門釘，所以想黎既朋友要注意啦。餐廳名為《我愛慢煮》，顧名思意其慢煮食物理應最為出色，當中唔少食客都推薦牛面肉同豬鞍。由於自己會慢煮豬鞍，所以今次無唔特登試佢。慢煮36紐西蘭牛面肉 (10安士) $148由於整作時間頗長，以「天」作單位，所以慢煮食物價格一直都唔平，但完全無諗過呢個份量十足既牛面肉只售$148，份量已經超值!!牛面肉除左表面果層焗到乾身而變硬之外，入面既肉連筋位都煮到好淋，一D都唔痴牙。肉質雖然唔錯，但個汁杰得黎帶點苦，加上牛面肉牛味唔夠濃，師傅又無加調味料提味，食落個醬汁味太濃，食多幾件就好漏。配菜就揀左個坊間少見既芋頭蓉 $15而家係芋頭當造期，意思芋味較濃、芋頭較粉；呢度既芋蓉芋味算香，但餐廳為左增添口感而加入既芋頭粒，質素就唔夠靚、唔夠粉、硬身左D。