Video
Read full review
2022-11-20
59 views
星期六遲放工，同好姐妹決定去澳南食好啲！哩間想試好耐！（好耐好耐以前試過銅鑼灣個間）上次 lunch time 黎到太多人了無食到，今次 late lunch （其實都已經 tea time）就唔駛等位，終於可以試下啦！入到去可以坐張四人檯，侍應姐姐主動問我地有無黎過，我地話無，佢就問準准我地話講一下推介嘅食物。（好好呀係問准先推介！唔會令你覺得煩厭/hardsell ）menu 上嘅雲☁️同火山🌋 飯真係好吸引！好 cute！ 其實我覺得舊雲得意啲，但因為我食素就唔敢叫牛肉碎嘅雲，火山係餐肉粒，好啲🤣我哋叫咗一個烏卒卒火山泡菜餐肉炒飯，要等30分鐘，叫咗一個雜菜韓式炒粉絲，跟住叫咗推介嘅雜莓窩夫配雪糕，然後叫咗兩杯雪山，一個士多啤梨，一個就培茶加朱古力。首先上咗兩杯嘢飲，兩杯個造型都好靚，粉紅色嘅士多啤梨奶蓋雪山簡直就係令我地少女心爆發🤣 味道都唔錯，士多啤梨奶昔無藥水味，應該都係足料嘅奶昔，焙茶溝朱古力就比較有特色，冇諗過兩樣嘢可以溝埋嚟飲，仲要加啲芝士味嘅奶蓋，比想像中好飲。兩杯都係唔單止望落去靚，仲好好飲。跟住就上咗雜菜炒粉絲同個窩夫，可能係用QR code落單，有冇諗起個甜品係
入到去可以坐張四人檯，侍應姐姐主動問我地有無黎過，我地話無，佢就問準准我地話講一下推介嘅食物。（好好呀係問准先推介！唔會令你覺得煩厭/hardsell ）
menu 上嘅雲☁️同火山🌋 飯真係好吸引！好 cute！ 其實我覺得舊雲得意啲，但因為我食素就唔敢叫牛肉碎嘅雲，火山係餐肉粒，好啲🤣
我哋叫咗一個烏卒卒火山泡菜餐肉炒飯，要等30分鐘，叫咗一個雜菜韓式炒粉絲，跟住叫咗推介嘅雜莓窩夫配雪糕，然後叫咗兩杯雪山，一個士多啤梨，一個就培茶加朱古力。
首先上咗兩杯嘢飲，兩杯個造型都好靚，粉紅色嘅士多啤梨奶蓋雪山簡直就係令我地少女心爆發🤣 味道都唔錯，士多啤梨奶昔無藥水味，應該都係足料嘅奶昔，焙茶溝朱古力就比較有特色，冇諗過兩樣嘢可以溝埋嚟飲，仲要加啲芝士味嘅奶蓋，比想像中好飲。兩杯都係唔單止望落去靚，仲好好飲。
焙茶和特濃朱古力奶蓋雪山
$48
2 views
0 likes
0 comments
士多啤梨奶昔奶蓋雪山
$48
2 views
0 likes
0 comments
跟住就上咗雜菜炒粉絲同個窩夫，可能係用QR code落單，有冇諗起個甜品係咪可以問佢哋遲上，不過唔緊要啦嚟咗就算啦。反正天氣唔係咁熱個雪糕都可以擺多陣嘅。
先食呢個雜菜炒韓式粉絲，仲以為係好一般嘅菜式，但呢個炒粉絲又唔錯喎！粉絲都係韓式粉絲，比較硬身同煙韌，炒出嚟唔會太油亦都冇淋到。配料嘅雜菜，都唔係其他餐廳求求其其用啲用剩嘅菜咁嘅感覺，識落都係爽口新鮮嘅。個粉絲就無配辣醬，我哋亦冇特別話要加，就唔知有冇呢個option啦。
雜菜炒韓式粉絲
$88
2 views
0 likes
0 comments
食完個粉絲，啱啱好個火山炒飯就到啦！造型真係好得意呀！上碟嘅時候，侍應會用一個蓋冚住佢（雖然我點餐嘅時候其實冇為意佢有一part叫做煙霧彌漫），侍應問我哋需唔需要拍片，我哋呆咗一呆，就話唔使啦。咁其實又唔係想像中咁大煙，不過我就好欣賞侍應姐姐咁貼心嘅問題。
烏卒卒煙霧瀰漫火山韓式泡菜餐肉炒飯
$168
5 views
0 likes
0 comments
雖然望返張相同個Menu係有少少出入😂 座山冇咁一座山嘅形狀，但係佢都好得意呀！完全係打卡必叫兼IG-able ! 😎
出面嗰層灰色嘅mousse類物體係鹹鹹地嘅，切開裏面係泡菜炒飯，有啲大大粒嘅餐肉粒，上面嗰粒蛋仲係流心嘅，切開左就可以撈埋嚟食。落單嘅時候可以揀辣定唔辣，不過其實就唔算真係好辣，只係小小辣。味道唔會太重口味唔會太鹹，除咗睇得，味道都好好。
韓山雜莓忌廉窩夫配雪糕
$72
2 views
0 likes
0 comments
結果食完啲主食，我哋先至食一早已經上咗嘅窩夫，個雪糕有少少溶。窩夫就比想像中硬身咗少少，唔知係咪因為已經擺咗一段時間。不過整體味道都唔錯。
Overall 哩餐好滿意好滿足！食物唔單止造型可愛，味道都好唔錯！當然最緊要都係同好姊妹傾咗一個晏晝 🥰 highly recommended!
Post
