日升美食店

Open Now

Now Closed

有段時間在社交平台經常見到人介紹呢間鋪， follow咗店主社交平台一段時間，覺得店主狀態幾親切，賣力，而女友又突然想食小菜，而店主剛好又在社交平台見到店主講傷後復出，決定一試。兩個人叫咗三樣嘢， 半隻炸子雞，羊腩飯，椒鹽九吐魚。椒鹽九吐魚最好食，炸得好，肉嫩，調味佳。羊腩飯90蚊跟羊湯， 本來幾抵嘅，但唔知係唔係我地飲唔慣， 胡椒太重手，去到苦嘅程度，試飲兩下，兩個人都覺得有想嘔嘅感覺，好難入口，所以放棄咗個湯。羊腩唔錯，跟支竹冬菇同筍，加埋個腐乳汁一齊食，撈埋飯一流。半隻炸子雞有d失望嘅， 無諗過雞肉係咸雞，感覺係醃咗太耐，肉少少太實，雖未至於柴，有D位好咸，唔怪得上枱時話唔需要點汁調味。望隔離枱又好似唔同樣，可能手氣唔好。喜力大支裝賣22蚊一支，好抵，叫左兩支。埋單430, 其他算正常，但因為有兩樣嘢食覺得麻麻，所以變咗個心覺得貴咗少少。