CoCo Espresso701 (Closed)

做車主嘅其中一個好處就係可以捐窿捐罅去揾野食，有車之後，其實好多地方都唔算難去，但必須承認有啲地方真係好唔就腳，如果唔係自己揸車就唔會去啦，又唔係特別好食/好有特色嘅餐廳，好似呢間就係～放工後、食晚飯前想鬆一鬆，黎到工廈呢間cafe，沿路都好靜好少人，加埋落雨，天色昏暗⋯⋯室內空間感夠晒，但同老公一齊就敢黎，自己一個/兩個女人一定唔會揀呢度。主打咖啡，但選擇唔多，另外我地想要低因咖啡，竟然無⋯⋯店員話可以點half shot，唉是但啦。所以老公點左一杯cappuccino half shot ，我就揀唔到啦！其實menu上有寫minimum charge係one beverage per person，但我真係揀唔到，所以兩個人只係點左一杯，但店員都冇理我地。野食選擇都唔多㗎，不過兩樣都幾好食喎。一個係blueberry and cream bagel，另一個係homemade banana cake，上枱時微温，而且唔會太甜，有果種天然嘅果甜。