川館 (Closed)

開九龍城附近，當然就順便覓食啦！星期五先來個early lunch，11點半啱啱過咗早餐時段，如果唔係仲抵！一條友冇王管，就淺嚐一碗微辣嘅泡椒牛腩麵啦！好多時餐廳都係麻辣、酸辣，泡椒湯底嘅配搭喺香港好少見，幾特別。望落以為湯底好清淡，第一啖湯，好似辣度好微，但其實啲麻辣會慢慢出黎㗎！所以都係跟餐配杯飲品會好啲，平日食開小辣嘅由微辣開始試會好啲。我個人比較喜歡泡椒多於花椒果種死麻（仲細細粒成日唔覺意食到！），而且呢個湯一啲都唔油，食辣野之餘冇咁多罪惡感～牛腩份量唔算多，但女仔都夠食，同埋我覺得啲騷味好夠。配上都好幾條生菜，即時「感覺」健康咗。幼麵感覺有啲似蘭州拉麵，配湯會夾啲。