九鬼居酒屋 (高街)

Open Now

Now Closed

係我心目中點稱得上好居酒屋，第一當然食物水準要夠高；第二居酒屋當然要坐得舒服，可以同三五知己好好傾計；第三，就係個服務質素。估唔到，朋友推介呢一間居酒屋完全做到晒。九鬼居酒屋可以坐係餐廳入面，或者可以選擇坐係戶外庭院，但今晚天氣稍為有小小凍，就揀左坐係室內，但內裡布置亦都相當講究，天花掛住日式釣燈、再加上一幅一幅日系掛畫做裝飾，個感覺就好去左日本居酒屋咁，同埋枱與枱之間，都有適當距離，坐落都幾寬敞。而侍應服務都相當主動，為你逐一詳細介紹每樣食物，同埋周不時都會為你加添熱茶。而食物方面除左選擇夠多，真心高水準，好味，每件串燒都可以燒到外脆內軟，加上自家製燒汁，特別惹味！而串燒遞上枱一刻，食物溫度仲係熱辣辣，而每件串燒，食得出係新鮮食材，同用料高質。期待下次再同朋友來訪。