Video
Read full review
2017-03-25
324 views
從前(在差不多二十年前) 厚福街就係在尖咀區內打工仔一族開午餐的重地之一, 那些年的厚福街有賣車仔麵的麵檔, 食越南野嘅小餐廳, 兩間粥鋪, 甜品店, 時移勢逆大部份食店都不再存在, 包括呢間: 唯一麵家, 當它消失時自己心裡都一沉感覺很可惜, 眼見它曾經在這條街道上發光發亮, 無論你喜歡它那用得有點過火嘅味粉, 不懂得待客之道嘅店員, 在鋪尾還有一排面壁位, 要你坐得很不自在, 大部份客人坐着那排位唔使20分鐘會食完起身走人, 刻意在門口位置做的即煎韮菜餃/ 北京餡餅弄得一入門口或者經過門口只要你是喜好韮菜這強烈氣味的菜香味的話, 好大機會會不知不覺地行了入店內, 始終這種平民食肆又怎可能抵擋租金以幾何級數的上升壓力呀, 幾年前曲終店散了, 之後個鋪位投閒置散了一段時間, 被一班青年人租了來做甜品店, 只可惜一幫小伙子只做半天生意(因為甜品店只在黃昏才開工) 當然要維皮不易, 突然之間中午都開檔但就賣上海麵食, 餐牌是新唯一, 到底這是”唯一”的後人還是一些以前唯一的客仔以此為名則不得而知, 過了不久15年中新唯一登場, 由甜品店過渡上海麵家, 就這樣老尖繼續有”唯一”只係多咗個”新
“新唯一”賣的食品差不多就是同”舊唯一”一樣, 只是多了些套餐, 但跟據太座的意見, 叫套餐同散叫相差無幾, 而睇到某些食評的描述套餐的規舉比較容易被誤解, 我們還是散叫吧!
雪菜肉絲麵$28麵湯的味道比以前清淡, 雪菜肉絲有味可以補回湯頭的味道不足, 雪菜肉絲份量都算夠嘅,
東坡肉麵$42 這個麵都有雪菜擺在麵上係估佢唔到嘅地方, 但亦可能係咁東坡肉份量較少, 東坡肉味道質地,味精都正常,
煎窩貼$18 四粒, 煎得很乾身不帶油, 肉餡醃味點到即止.
店內裝飾沿用甜品店的傢具, 所以同傳統上海麵店有點不一樣, 而且有些由牆睇到是空心的, 已經做咗一年多生意應該回到本啦啩, 店方如果有心做落去其實都係時侯修葺一下了, 至於服務態度係有可以改善的地方嘅, 不過現今這種平民食肆大部份都係臨工又或者做唔長嗰隻,要求劉華式嘅服務態度似乎有點不切實際, 希望店方能自我檢討一下啦! 食物方面其實已經做到水準出來, 能否有所進一步, 要睇下老闆如何領導啦!
74 views
0 likes
0 comments
42 views
1 likes
0 comments
Post
