九記打冷.小菜.粉麵 (Closed)

今晚好想食滷水，所以兩個人去左九記食打冷。裝修得乾淨企理，餐牌選擇亦多。除了主打打冷食物，還有其他粥粉麵飯，價錢在尖沙咀區都是相宜。滷水中我最鍾意食鵝片，今晚點了一個例牌，切得厚薄適中，皮薄肉嫩的獅頭鵝，肥瘦適中，鵝油充足，有滷水豆腐墊底，滷水色澤深，帶點藥材味。食潮州打冷當然要叫蠔仔粥，$48大大碗，米粒煲得粒粒分明，不糊爛。方魚跟芫荽更是蠔仔粥不可少的配料，有助提升味道。蠔仔份量頗多，沒有腥的感覺，粥底食完不口乾。見到餐牌有果皮蒸鮑魚，$42隻，就豪爽地點了2隻。蒸得剛好，好爽口，有一陣陣的果皮香。每餐都要菜，今晚點了平時自己比較少炒的方魚炒芥蘭，用上方魚炒，多一點咸香。