同德素食

Open Now

Now Closed

由於午市時間去到15：00，所以襯仲有午市去食個飯。叫咗個茄子魚柳飯，店員好快幫我落咗單，跟手俾壺茶我。午市係包埋碗湯同埋特飲。今次嘅特飲係竹蔗茅根，飲得出係自己煲，清爽唔係好甜。而湯係中湯，雖然唔係好濃味，但勝在唔係好咸。落單無耐已經上菜，茄子煮得幾淋，而魚柳細細塊食落幾似真嘅魚柳，有魚苼味。而白飯煮得岩岩好，唔係好乾都唔係好濕，個茄子魚柳嘅芡都打得岩岩好，唔係好水。撈飯一流。中菜素食嚟講，質素有保證，唯獨下午茶時間去到16：30左右，比較早完。要係尖沙咀食到好食嘅素食餐廳唔係好多選擇，所以佢係入選好食行列。