Video
Read full review
2024-09-03
6803 views
GoodDay BadDay MamaDay📍尖沙咀加連威老道27-27A號嘉榮大廈地舖及1樓我嘅大學好友準備結婚啦，有幸成為佢嘅姊妹一員，喺星期六專程相約去度身做裙，朋友都有嚟陪我。度完身、試完裙，我哋仲去埋The One個snoopy pop up添，之後決定去bookmark良久，朋友多次回訪嘅人氣玩味餐廳，GoodDay BadDay MamaDay食個early dinner！店內裝修別樹一格，有數之不盡嘅公仔、海報同裝飾品，淨係打卡都夠玩成個鐘，而餐點名都搞笑過人，menu設計更加係世界級正，連玻璃檯下都係用彩色Lego裝飾而成，環境氣氛無得頂！ 💰$188鵝肝槓上肝菌飯講十次 🍛鵝肝煎得香口，聞落油香四溢，食落近乎入口即化，油香仲會喺口中散發，頗有驚喜。至於risotto就有好濃烈嘅牛肝菌香氣，整體香而不膩，一啖盡食菌香、鵝油香同醬香，非常值得一試。 💰$148黃金軟殼蟹忌廉意粉 🍝Fettuccine寬寬扁扁帶點厚度，最適合配較濃稠嘅醬汁或芝士調味，所以餐廳選用統稱為「金沙」嘅鹹蛋黃醬實在非常明智，加埋忌廉一齊煮，口感更creamy！軟殼蟹炸得香口酥脆，配上大量菇菌點綴
📍尖沙咀加連威老道27-27A號嘉榮大廈地舖及1樓
我嘅大學好友準備結婚啦，有幸成為佢嘅姊妹一員，喺星期六專程相約去度身做裙，朋友都有嚟陪我。度完身、試完裙，我哋仲去埋The One個snoopy pop up添，之後決定去bookmark良久，朋友多次回訪嘅人氣玩味餐廳，GoodDay BadDay MamaDay食個early dinner！
店內裝修別樹一格，有數之不盡嘅公仔、海報同裝飾品，淨係打卡都夠玩成個鐘，而餐點名都搞笑過人，menu設計更加係世界級正，連玻璃檯下都係用彩色Lego裝飾而成，環境氣氛無得頂！
[價錢 Price]
💰$188
鵝肝槓上肝菌飯講十次 🍛
鵝肝煎得香口，聞落油香四溢，食落近乎入口即化，油香仲會喺口中散發，頗有驚喜。至於risotto就有好濃烈嘅牛肝菌香氣，整體香而不膩，一啖盡食菌香、鵝油香同醬香，非常值得一試。
[價錢 Price]
💰$148
黃金軟殼蟹忌廉意粉 🍝
Fettuccine寬寬扁扁帶點厚度，最適合配較濃稠嘅醬汁或芝士調味，所以餐廳選用統稱為「金沙」嘅鹹蛋黃醬實在非常明智，加埋忌廉一齊煮，口感更creamy！軟殼蟹炸得香口酥脆，配上大量菇菌點綴，盡是滋味！
[價錢 Price]
💰$145
好邪惡嘅咸蛋牛油果蟹肉比薩咩叫減肥 🍕
好邪惡！真係好邪惡！大量芝士加咸蛋醬抹滿整塊薄身脆pizza，完美地放上六隻蟹鉗，隨心灑上蟹肉、切粒牛油果同切片番茄仔，再放上沙律菜裝飾，賣相相當吸引，多重口感，多重享受。脆脆嘅pizza邊唔會過乾，芝士同咸蛋味道適中唔會過鹹，雖然好邪惡，但一啲都唔肥膩！
[價錢 Price]
💰$56
士多啤梨奶昔 🍓
個人認為呢間餐廳嘅飲品比食物同甜品出色，尤其係喺熱辣辣又翳焗嘅天氣下，飲到一杯透心涼嘅飲品，真係特別加分！而且我鍾意佢哋嘅飲品唔花巧，除咗用啲比較有特色嘅玻璃杯裝住外，相比起其他餐點，佢哋嘅賣相都唔會華而不實，純粹係一杯杯簡單、清涼、解渴嘅飲品。
朋友好鐘意飲milkshake，考慮到我唔食得太多香蕉，所以佢揀咗strawberry milkshake試試。細細一杯淡粉紅色嘅milkshake帶有淡淡嘅士多啤梨香氣，食到少許果肉同果籽，唔會有粒粒碎冰，口感順滑，味道清甜唔假，推介！
[價錢 Price]
💰$56
夏日熱辣辣，好熱好熱降溫椰子沙冰 🥥
而我就叫咗一杯椰子沙冰，個名又係改都好鬼馬，望住啲字個腦就已經響起「夏日熱辣辣，吃西瓜消暑解渴；夏日熱辣辣，喝一杯凍檸檬茶！」呢幾句歌詞，勁好笑！椰子沙冰分量都幾大，而且冰度十足，上面仲放咗一球海鹽雪糕，絲絲鹹味令本身已經好香濃嘅椰子味更突出，半溶嘅雪糕加上frappe嘅綿滑，配pizza、risotto呢類較飽膩嘅主食最為佳！
[價錢 Price]
💰$68
唔甜的紫薯蛋糕 🍰
自家製嘅紫薯蛋糕非常精美，蛋糕共有四層，薄薄嘅餅底為底層，數上去有紫薯cream cheese同幼滑嘅mousse，而最頂層就鋪滿紫薯蓉，層次分明，口感豐富細膩，而且食到紫薯自身嘅甜味，想食甜品但怕肥嘅朋友可以考慮一試！
[價錢 Price]
💰$68
焙茶芝士蛋糕 🍰
另一款cheesecake朋友揀咗焙茶口味，整體口感唔算柔軟，偏硬身、紮實，勝在茶味香醇，餅底相比下較為厚身，食完唔會有好膩嘅感覺。
Post
