Poseidon Restaurant & Bar (Closed)

今日毒L一個食晚餐，西餐絕對係我最愛，一於試試呢間位於尖沙咀嘅Poseidon Restaurant & Bar，嗌咗豬手同玫瑰茉莉綠茶。Crispy pork Knuckle $238叫咗一份德國豬手拼酸菜，真係好巨型，入面有埋酸菜、薯蓉同蜜糖芥末醬，店員都非常細心咁幫我切埋，我只需要負責食XD豬手好香，咩都唔點已經好夠味，PS我係咸蟲，豬手皮唔係香脆嗰種，反而係軟熟爽口，無咁熱氣 ，係另一種食法，點埋蜜糖芥末醬都好夾，甜甜哋，而酸菜可以中和豬手嘅肥膩，唔會太酸，啱啱好，雖然就咁食已經飽飽哋，不過有埋薯蓉，有少少澱粉落肚真係夠哂滿足，薯蓉咸香軟滑，正啊！