Video
Read full review
2023-01-02
171 views
「 尖 沙 咀 • 火 土 燒 肉 」呢間位於尖沙咀K11 Art Mall嘅火土燒肉 一直我都好想試 終於腸胃好少少就嚟試試 呢間餐廳以Camping🏕️做主題 用咗好多露營嘅用品帶入餐廳做擺設 有露營餐具、坐位、露營帳篷、露營燈 好多打卡嘅位☺️ 係室內都可以享受下露營嘅感覺 餐廳用心佈置怪不得吸引大量客人嚟光顧 我地入座嘅時候都差不多滿坐了🥩燒肉拼盤呢款就可以咩都試吓 最好係可以將我地唔食嘅牛舌換成其他部位嘅牛肉 呢個燒肉拼盤有牛肋肉、牛胸腹、牛舌(我地唔食所以換走咗)、雞腿肉、豚五花、豚助條 最好係試哂豬牛雞 每樣都好高質 雞腿肉燒完都好嫩滑 而牛肋肉我係最鍾意 肉味好香 諗唔到想食咩嘅你可以選擇呢個拼盤 推介😚👍🏻🥩雪花牛小排配燒肉汁牛小排嘅花紋就知好靚好高質 油脂分布得好香 非常juicy 咬落去成個口都係好香嘅油脂 🦀味噌蟹肉甲羅燒呢個蟹肉甲羅燒裝住大量蟹膏仲有鮮甜嘅蟹肉同蛋汁攪拌🧈 蒜蓉牛油金菇牛油金菇係用錫紙裝住 有大量蒜蓉同牛油夾埋一齊食真係無得輸🐟鯛魚燒鯛魚燒有兩件 一件吉士一件紅豆 店員提醒我地用細火燒一燒就食得 吉士個件好特別 吉士旁係有煙煙韌韌嘅麻薯 超有咬口
呢間位於尖沙咀K11 Art Mall嘅火土燒肉 一直我都好想試 終於腸胃好少少就嚟試試 呢間餐廳以Camping🏕️做主題 用咗好多露營嘅用品帶入餐廳做擺設 有露營餐具、坐位、露營帳篷、露營燈 好多打卡嘅位☺️ 係室內都可以享受下露營嘅感覺 餐廳用心佈置怪不得吸引大量客人嚟光顧 我地入座嘅時候都差不多滿坐了
🥩燒肉拼盤
呢款就可以咩都試吓 最好係可以將我地唔食嘅牛舌換成其他部位嘅牛肉 呢個燒肉拼盤有牛肋肉、牛胸腹、牛舌(我地唔食所以換走咗)、雞腿肉、豚五花、豚助條 最好係試哂豬牛雞 每樣都好高質 雞腿肉燒完都好嫩滑 而牛肋肉我係最鍾意 肉味好香 諗唔到想食咩嘅你可以選擇呢個拼盤 推介😚👍🏻
🥩雪花牛小排配燒肉汁
牛小排嘅花紋就知好靚好高質 油脂分布得好香 非常juicy 咬落去成個口都係好香嘅油脂
🦀味噌蟹肉甲羅燒
呢個蟹肉甲羅燒裝住大量蟹膏仲有鮮甜嘅蟹肉同蛋汁攪拌
🧈 蒜蓉牛油金菇
牛油金菇係用錫紙裝住 有大量蒜蓉同牛油夾埋一齊食真係無得輸
🐟鯛魚燒
鯛魚燒有兩件 一件吉士一件紅豆 店員提醒我地用細火燒一燒就食得 吉士個件好特別 吉士旁係有煙煙韌韌嘅麻薯 超有咬口
🍑完熟水蜜桃梳打
有好香嘅水蜜桃味 烤肉飲梳打係最爽同可以減膩
🍍海鹽菠蘿梳打
呢杯海鹽菠蘿梳打造型特別因為餐廳以露營為主 所以呢個飲品係用露營杯嚟裝住 杯邊佔滿咗海鹽 杯內有新鮮菠蘿 成杯野好fresh
Post
