鐵牛台灣牛肉麵 (希爾頓大廈)

Open Now

Now Closed

尖沙咀鐵牛台灣牛肉麵鹽酥雞拼夜市小香腸：鹽酥雞香脆可口，啖啖肉，台灣香腸甜甜地，口感juicy。鹽酥小拼盤：有鹽酥雞、脆薯、花枝丸，鹽酥雞和脆薯炸到金黃色，花枝丸夠晒彈牙，地道台灣小吃。香濃蕃茄爆蔥鍋配安格斯牛肉片：成個火鍋上枱，配料有芋頭貢丸、米血糕、蜂巢豆腐、蟹柳、燕餃、雪枝揚、響鈴、蕃茄、雞蛋、娃娃菜、金針菇、蔬菜、粉絲、冬菇、蘿蔔等，非常豐富，蕃茄湯底酸酸甜甜，用嚟撈白飯，差D想encore，加配既安格斯牛肉片，肉質鮮嫩，火鍋唔少得。總鋪師私房牛肉麵牛肉湯：牛肉湯底好濃郁，麵食落有咬口，而且索晒D湯汁，牛肉份量十足，有齊金錢腱、牛肋條、牛筋和牛肚絲，金錢腱有嚼劲，牛肋條炆得非常軟腍，牛筋亦都唔會有太韌既感覺，牛肚爽口彈牙，全部都好入味，到店必點。閨蜜紅豆珍珠奶茶：紅豆煮得軟淋，珍珠Q彈，奶同茶比例好均勻，飲完暖笠笠。南投縣百香果QQ：果香四溢，甜度恰到好處。總結，餐廳地點方便，食物有水準，性價比高。