Urban Coffee Roaster (碧仙桃路)

Open Now

Now Closed

社交平台見到k11 有pop up store 想去，一早出到去又未夠鐘就去食個早餐。睇介紹呢間好似唔錯就入去。一入去無乜人以為伏伏地，點知叫完野坐多陣就滿座，而且不斷有人等位，原來係太早入黎。睇下menu 樣樣都幾吸引，最後叫左一個酸種玉桂卷，芝士酸種麵包加炒蛋牛油果，雜莓pancake, 加多杯美式。玉桂卷個味唔算好勁，食落岩岩好，望落唔大但都夠食。芝士酸種麵包出色，芝士係有加熱半溶，夾落個包到好好食，炒蛋夠滑，牛油果熟成度岩岩好，絕對值得一試。雜莓pancake 個人覺得差小小，無乜突出之處，可能試返焦糖會好 d。 杯美式好好飲，個杯好特別，可以飲到唔同風味既咖啡味。