Video
Read full review
2021-11-06
573 views
呢間餃子店，係之前ig洗版熱店，主打尼泊爾餃子momo同地道卷物，以彩色餃子引人入勝。 餐廳分別位於尖沙咀同蘭桂坊，店舖面積好細，只有7-8張枱，小本經營。 老闆係一對90後嘅兄弟Khemka，呢間餐廳係佢哋成立嘅集團Cygnus Concepts旗下個品牌。 兩人都擁有尼泊爾家庭背景同印度裔血統，於香港土生土長，尼泊爾餃子由細食到大，將佢哋本士美食，同日本/香港嘅統文化結合，供應創意派與傳統派momoz 。Hainanese Chicken Momo $98每籠有八個餃子，可以選擇雙拼，價錢無變賣相真係好靚，橙白龍鳳，紋理均勻，師傳折得好靚，好似條金魚。 話明「海南雞飯味」，就便係會有海南雞同油飯。 海南雞粒肉質唔柴，新鮮而冇雪藏味，配上少少嘅蔥香。 欣賞餐廳保留雞皮，令餃子冇咁dry，又有D脂香感。 飯粒冇油香，有少少失望，變得非常之無用。 餃子皮新鮮手搓而成，厚薄適中，煙煙韌韌，品質唔錯。另外又配上落油，酸辣醬，感覺好似食緊白切雞咁。 Char Sui Momo $ 88（呢排好似轉咗個char siu LAMB momo）呢個叉燒momo扮到好似小籠包，但扮都要扮到盡，入面竟
老闆係一對90後嘅兄弟Khemka，呢間餐廳係佢哋成立嘅集團Cygnus Concepts旗下個品牌。 兩人都擁有尼泊爾家庭背景同印度裔血統，於香港土生土長，尼泊爾餃子由細食到大，將佢哋本士美食，同日本/香港嘅統文化結合，供應創意派與傳統派momoz 。
Hainanese Chicken Momo
$98
19 views
0 likes
0 comments
Hainanese Chicken Momo $98
每籠有八個餃子，可以選擇雙拼，價錢無變賣相真係好靚，橙白龍鳳，紋理均勻，師傳折得好靚，好似條金魚。
話明「海南雞飯味」，就便係會有海南雞同油飯。 海南雞粒肉質唔柴，新鮮而冇雪藏味，配上少少嘅蔥香。 欣賞餐廳保留雞皮，令餃子冇咁dry，又有D脂香感。 飯粒冇油香，有少少失望，變得非常之無用。 餃子皮新鮮手搓而成，厚薄適中，煙煙韌韌，品質唔錯。
另外又配上落油，酸辣醬，感覺好似食緊白切雞咁。
char siu momo
$88
9 views
1 likes
0 comments
Char Sui Momo $ 88（呢排好似轉咗個char siu LAMB momo）
呢個叉燒momo扮到好似小籠包，但扮都要扮到盡，入面竟然有湯汁架。 但其實個又燒粒一D都唔似叉燒，食落只係一個普通嘅豬絞肉，食落juicy又有有脂香。 湯汁飲落甜甜地，有少少豬骨味。 饀料仲加咗馬蹄粒，即係山竹牛肉會用到嘅材料，增添爽脆嘅口感。 但成個餃子冇一樣野似又燒。
katsu chicken fried curry momo
$88
11 views
0 likes
0 comments
Katsu Chicken fried curry momo$88
炸momo都諗得出，老闆真係好有想像力。 形狀又同其他唔同，係圖形嘅，但將炸嘅野放入蒸籠，感覺有D奇怪。
Katsu Chicken fried curry momo
$8
6 views
0 likes
0 comments
餐廳將餃子好似吉列豬扒咁，要上一層麵粉蛋漿麵包屑再拎去炸，口感酥脆得黎又同其他炸餃子與別不同。 入面嘅咖哩汁比想像中少得多，可以落多D都得。 有輕微嘅辣味，香料味都好足。 舊雞同chicken momo嘅雞係一樣嘅，嫩滑而入味。 再有少少洋蔥同香草，呢款幾特別嘅。
Fire The hole lamb momo
$98
12 views
0 likes
0 comments
Fire the hole-lamb momo$98
餐牌寫明係極級辣，但唔食得辣嘅我都照叫，食完之後就後悔了，真係極L辣，辣到嘴超級孖潤腸。
入面嘅羊肉有D太瘦，肉質有少少柴，幸好有酥味。 咖哩醬除咗辣之外亦比頭先嗰個有更多香料味，亦明顯見到有月桂葉同番茜（或其他香草）喺入面。 呢幾款入面我就最鐘意炸咖哩雞餃子，有創意又好食。 每款口味望落根本模索唔到佢嘅味道，越食越有驚喜，值得推介比大家試。
Post
