板長壽司 (Closed)

平日中午時段，人流甚少。適逢係附近驗身，就過黎食個lunch set。叫左一個午餐（火炙三文魚腩丼）三文魚分量唔少，一共有八片，女孩子黎講都食得飽，火炙三文魚腩略凍，本人偏愛食熱嘅火炙所以感覺冇咩特別；反而三文魚魚生厚度ok，唔算薄整體而言，68蚊嘅價格都相當扺食另外散叫一份三味壽司（三文魚腩、帆立貝、赤蝦）三文魚腩有厚度、魚油多，值得一讚。帆立貝就比較失色，飯好大舊，帆立貝細細粒，食起上黎冇乜鮮甜味。赤蝦不過不失，口感都幾綿密，算係咁。三味壽司除開每件壽司都唔洗12蚊，價錢算係咁以尖沙咀旺區黎計，午餐加三件壽司連加一百二蚊有找，都相當抵食