麻吉灶咖

Open Now

Now Closed

Lunch time呢間都幾多人排，我地拎飛大約等咗15分鐘。午市套餐選擇都幾多，跟餐都配前菜同特定飲品一杯。我地叫咗一碗牛肉麵，一個拌麵，一份蘿蔔絲拉餅，另外加錢叫咗杯檸檬愛玉冬瓜茶。紅燒台灣風味半筋半肉麵牛肉好淋，麵亦都好煙韌，份量黎講都有3大舊肉同埋3舊筋，配菜有蘿蔔同酸菜外，亦都有好少可係牛肉麵出現嘅蟲草花。香蔥脆皮豬大腸配麻婆豆腐拌麵脆皮豬大腸好好食，外皮炸到啱啱好脆卜卜，面頭有足夠嘅調味。麻婆豆腐就正正常常，都夠撈飯食。千層蘿蔔絲拉餅呢但就有少少失望，食落有啲似普通薄餅中間夾住啲菜脯，食唔出有好多蘿蔔絲同埋冇乜味。雖然唔係好平，但Lunch套餐都算係咁，選擇種類都算多，見隔離枱啱啲鍋都好吸引。但有朋友食過佢晚市嘅麻吉鍋話麻麻地，所以如果想試呢間嘅，揀lunch/下午茶黎食啦，以係商場嘅台灣菜，呢間都ok。