春禧堂台灣料理餐廳 (Moved) New Location

當你太鍾意一樣嘢，你會做啲咩？春禧堂嘅老闆就係好鍾意台灣美食，鍾意到開店同大家分享。餐廳位於中港城，木裝潢配上湖水綠色調，一室悠閒氣氛，坐喺窗邊仲會遙望到海景。坐到入餐廳打開menu，台灣小食、古早米食、湯汁餃子，以及仙草甜點和台式飲料等統統齊晒，似去左轉台灣。◽️ 春禧牛肉鍋 $108材料好豐富，有爽滑牛肉片、軟腍牛筋、彈牙牛丸、白蘿蔔、金針菇、雞髀菇、娃娃菜、豆腐等等，為香濃湯底添上一份香甜。◽️ 紅燒腱心牛肉麵 $65一上枱已飄來好香嘅藥材味，蘿蔔和白蘿蔔吸盡湯嘅精華，牛肉足足有4舊又有咬口，加埋配菜小食：涼拌黑醋茄子、手拍小黃瓜同涼拌貓耳朵份量多且豐富，男仔都一定夠飽呀！◽️ 台式蚵仔酥 $98不同於見開食開嘅柯仔煎，呢款係炸起一粒粒，口感香酥有蠔味，加埋炸豆腐，雙重香口！◽️ 滷肉飯肥瘦均勻，不會太鹹太油，一口滷肉配一口香飯，令人想立即飛返台灣一轉。▪️ 芝士奶蓋火龍果茶 $38芝士厚厚一層差啲就湧出來，火龍果茶真材實料，甜而不膩好清新，配搭濃味台食一流！▪️ 藍柑梳打 $35有幾粒藍莓做點綴，藍色外表好清涼，入口好fresh，悶熱天氣最適合。