宴 尖沙咀

發掘尖沙咀好去處，除咗行商場之外，梗係唔少得發掘吓有咩好嘢食，尖沙咀一到夜晚就爆曬人，要揀餐廳嘅話梗係要試吓啲有噱頭嘅餐廳啦。呢間以日式風格做主打嘅餐廳，啱晒我哋一邊食，一邊relax，一邊傾偈吹水面頭落咗啲黑胡椒同埋南蠻味增嘅厚燒牛舌南蠻，厚度有成2cm咁滯，牛扒都冇咁厚，食落又唔會韌到有筋，加埋啲檸檬汁一齊食，酸酸鹹鹹咁，都幾好食。沖繩腐乳聽落好新奇有趣，梗係要試吓！其實食落去個味道同芝士蛋糕有啲似，腐乳用喺甜品度竟然意外地咁夾！豬肉柚子胡椒燒，炒豬肉麵筋同埋燒豬手整得幾出色，豬肉片切得薄薄哋好香口，炒得好香，食落去好惹味，肥瘦均勻，真係會食唔停口。雞肉棒係用新鮮嘅食材自己整嘅，外皮燒得好脆口，入面唔會太多軟骨，所以更加鬆軟綿滑，點埋啲蛋黃醬之後口感仲滑，係我嚟食日料必點嘅item👍苦瓜炒豬肉：苦瓜、豬肉、雞蛋等等一齊炒，講真要食之前都係會有一絲猶豫嘅，但下一秒就覺得猶豫係多餘嘅。同平時食開嘅苦瓜唔同，呢碟苦瓜處理得好好，回甘鮮甜，瓜肉爽脆，真係一啖接一啖食唔停。食完飯嚟個菠蘿雪葩，特別清新。成個新鮮菠蘿起肉打成雪葩，再擺喺菠蘿入面拎上嚟，菠蘿香味特別濃郁，冰感幼細，而且唔會太甜。