鳥炎屋

Open Now

Now Closed

鳥炎屋位於尖沙咀地鐵站附近，地點就腳，今晚約左朋友落酒吧飲酒食飯，但又未夠鐘，一於去鳥炎屋食小小輕食填下肚先😋。🥗沖繩海葡萄沙律海葡萄係口腔迫迫卜卜爆開，非常爽口，食得過引，沙律菜亦新鮮，汁醬酸酸味味，一個開胃醒神前菜。🥢明太子玉子卷 嘩，超多嘅明太子塞滿玉子蛋埋面，實在太邪惡😋，入口蛋香滿滿，同明太子味道好夾。🍡雞肝串雞肝燒得外面蕉香，入口軟嫩。🥢手羽雞翼串雞皮咸咸香香，入面仲保持嫩滑juicy。🍣魷魚壽司、🍣碎蔥吞拿魚腩壽司兩者我較喜歡魷魚壽司，入口黏滑，越𡁻鮮味越出。🥢鐵板牛柳粒牛柳粒好嫩滑，咬落有小小脂肪，更加甘香，牛味到位，伴碟嘅洋蔥同炸蒜亦成亮點，非常香口。