Video
Read full review
2023-12-14
138 views
尖沙咀除咗韓國街有韓國餐廳之外 仲有呢間隱世韓國餐廳🇰🇷 餐廳匿藏喺大廈中間 但係一啲都唔屈質 除咗室內仲有室外位置㗎蒜香醬油炸雞+香腸年糕串(半份) 食韓國野點少得食韓式炸雞🐥 雖然只係得半份 但係入面都仲有六件 炸雞只有一層薄薄嘅炸粉 喺入面嘅雞肉仲好嫩滑 好鍾意佢外層有炸蒜片 同埋韓式醬油味道甜甜令人引唔住一口接一口🙈 側邊仲有串香腸年糕 冇諗過燒過嘅年糕都可以咁外脆內軟 入面仲係煙韌軟綿綿✌🏻燉煮豬腳呢個份量好多🐷 每片都切到好薄 好考廚師嘅刀工 豬腳炆得幾入味 肉質都幾實淨 但唔會好硬 怕太多肉嘅朋友都唔洗擔心 因為原來呢個價錢係包咗一個蔬菜籃㗎🥬 有各款新鮮蔬菜喺入面 包住豬腳嚟食就冇咁肥膩🥰 店員好貼心 呢個菜式仲附上Gas爐助熱 即使冬天同埋食到尾聲 都仲係熱㗎🤣牛肉炒粉絲呢個炒粉絲味道唔會好鹹 仲有好多牛肉片 同埋有同蘿蔔絲 菠菜 洋蔥 冬菇 芝麻等等嘅配料🫢 粉絲係有質感嗰種韓國粉絲 粗幼度似麵條多啲 絕對夠晒飽肚 呢一兜同朋友分享食就啱晒Tangerine Ade呢個造型已經夠晒特別 又成個橙喺飲品嘅頂頭 入面嘅飲品柑橘嘅梳打 飲落幾清甜 仲見到隔離枱連個橙都食埋
尖沙咀除咗韓國街有韓國餐廳之外 仲有呢間隱世韓國餐廳🇰🇷 餐廳匿藏喺大廈中間 但係一啲都唔屈質 除咗室內仲有室外位置㗎
蒜香醬油炸雞+香腸年糕串(半份)
食韓國野點少得食韓式炸雞🐥 雖然只係得半份 但係入面都仲有六件 炸雞只有一層薄薄嘅炸粉 喺入面嘅雞肉仲好嫩滑 好鍾意佢外層有炸蒜片 同埋韓式醬油味道甜甜令人引唔住一口接一口🙈 側邊仲有串香腸年糕 冇諗過燒過嘅年糕都可以咁外脆內軟 入面仲係煙韌軟綿綿✌🏻
燉煮豬腳
呢個份量好多🐷 每片都切到好薄 好考廚師嘅刀工 豬腳炆得幾入味 肉質都幾實淨 但唔會好硬 怕太多肉嘅朋友都唔洗擔心 因為原來呢個價錢係包咗一個蔬菜籃㗎🥬 有各款新鮮蔬菜喺入面 包住豬腳嚟食就冇咁肥膩🥰 店員好貼心 呢個菜式仲附上Gas爐助熱 即使冬天同埋食到尾聲 都仲係熱㗎🤣
牛肉炒粉絲
呢個炒粉絲味道唔會好鹹 仲有好多牛肉片 同埋有同蘿蔔絲 菠菜 洋蔥 冬菇 芝麻等等嘅配料🫢 粉絲係有質感嗰種韓國粉絲 粗幼度似麵條多啲 絕對夠晒飽肚 呢一兜同朋友分享食就啱晒
Tangerine Ade
呢個造型已經夠晒特別 又成個橙喺飲品嘅頂頭 入面嘅飲品柑橘嘅梳打 飲落幾清甜 仲見到隔離枱連個橙都食埋😮
Blueberry Smoothies
呢個飲品酸酸甜甜非常開胃 除咗又好香嘅藍莓味之外仲有好重嘅Yogurt味🤤 飲落口順滑香甜 幾推介俾大家
呢間韓國餐廳俾到我一種好地道嘅感覺 因為有Oppa店員㗎😂 特別鍾意燉豬腳 真係好有氣勢好抵食
Post
