燒烤堂

Open Now

Now Closed

尖沙咀呢間燒烤店串燒即叫即燒，超多款式選擇，有日式🇯🇵、泰式🇹🇭、港式🇭🇰、川式🇨🇳、西式🇬🇧、台式🇹🇼、新疆式🇨🇳、韓式🇰🇷同自家製款。仲有500ml啤酒買一送一優惠，啱哂同三五知己聚一聚🍻🐤雞肉軟骨棒 $38雞肉同雞軟骨比例恰到好處，配埋金黃色嘅蛋黃同月見汁食，入口嫩滑爽脆！🐤明太子雞腿肉 $28 黑松露烤雞 $28呢兩款都係雞肉上面塗上大量醬汁，明太子醬好好味，醬入面有粒粒明太子粒，味道濃郁！🐤鹽燒雞皮 $22雞皮燒完之後，薄到好似張紙咁，口感好似薯片咁脆！加少少鹽係上面食已經好好味。🐮A4 和牛 $58和牛入口油即溶，和牛溶化後係口腔慢慢滲返牛肉味，加上調到恰到好處嘅咸味，好滋味！🐮橫隔埋肌 $28牛肉味濃，牛肉有彈性咬口，慢慢咀嚼牛肉味係口腔停留更耐。🐮薄切牛舌芯 $28牛舌芯燒到岩岩好，爽口彈牙，調味出色。🐑羊架 $48有羊味，無羊嘅臊味，肉質軟腍啖啖肉，仲有肉汁好juicy。🐷味噌松板豬 $28味噌味道特出，松板豬肉軟腍有肉汁，呢款送酒一流。🐷泰式豬頸肉 $28豬頸肉燒到香口，配搭酸辣汁幾開胃。🐤雞皮墨魚滑 $38外皮燒到脆脆，質感似炸腐皮，入面包住墨魚滑，口感幾特別。