宴 尖沙咀

嗰日我生日朋友帶我嚟呢間餐廳食日本菜，令到我好滿足，因為餐廳嘅環境唔單止好舒服，啲嘢食都好正，下次仲要再嚟食過。嗰日我哋叫咗好多嘢，其中包括咗：【雞肉大葉串燒】雞肉燒得好嫩，咬落去好有嚼勁，仲有少少酸酸嘅梅子醬味，好開胃。【輕燒宮崎和牛】牛肉油脂分佈平均，味道好濃郁，肉質嫩滑多汁，油膩感相對較輕，食落好滑，令我回味無窮。【日本豬肉柚子胡椒燒】我最鍾意食嘅一碟菜，豬肉口感結實有嚼勁，脆彈唔油膩，入口後會有少少辣味同柚子嘅清香，好好味！【加賀之月虹純米大吟釀】入口有陣淡雅嘅香味，仲有米嘅滑溜口感，好醇厚，味道一流。【炸苦瓜片】苦瓜即炸到金黃色，香脆可口，仲有少少甘味，而且仲保留咗苦瓜天然嘅口感同味道，好啱做送酒小食。【海葡萄】口感爽脆，配埋酸汁一齊食好清新，仲有少少海水嘅鮮味，好有特色嘅沖繩小食。