家家戶戶

Open Now

Now Closed

尖沙咀金巴利街出名有好多韓國餐廳相信好多人都知，仲有韓國超市我都有幫襯過, 之前同同學跳完舞就試過炸雞, 今次試下呢間”家家戶戶”韓國菜，餐廳裝潢感覺係傳統韓國家庭feel, 有家的感覺, 主要係食不同既套餐韓國料理. 餐牌提供傳統韓國料理，有不同款式既飯、炒年糕、海鮮湯、年糕湯、韓式公仔麵、炸雞etc.，套餐就包左海帶湯, 前菜, 和飲品~ 牛肉韓式什錦飯 $102 呢款什錦飯都好大碗, 十分足料, 牛肉好多, 煮得軟腍, 好入味, 菠菜同其他配菜都多, 味道食落真係好有家的味道, 牛肉係必食的, 而前菜有泡菜、酸蘿蔔、涼拌韭菜花、涼拌海帶~ 韓式辣豬肉石頭飯 $109 店員同我地講, 如果石頭飯想有飯焦，就要等起碼5分鐘和唔好郁佢，明哂, 辣豬肉份量都多，唔會太辣, 撈埋配菜和面頭生雞蛋一齊吃, 味道唔錯~ 每款套餐仲送咗一支韓國版嘅「益力多」，細細枝幾得意, 配埋石頭鍋飯之後飲, 幾爽。