咕嚕咕嚕

Open Now

Now Closed

一直以為諾士佛台只有一啲地下嘅bar，所以好少黎呢到飲下酒。原來樓上有間靜靜嘅bar，仲可以玩下酒Game而且都幾多野食簡，而酒更加係包羅萬有passion wine$158成件事超打卡，外賣好靚。自己唔太飲得酒，勁少少嘅啤酒都好快醉。但呢個好易入口而且唔會好易醉，最尾仲有少少熱情果味，好岩女仔。Apple tree Mocktail$68用左芒果、蘋果同橙調製而成，由酸去到甜，幾好飲仲好大杯。帶子意式青醬忌廉意粉$128始終係黎飲酒，所以唔算好大碟，但一個女仔食一定夠飽。自己幾鐘意呢道菜，因為個汁幾濃。紅酒面頰肉配薯蓉$188肚餓嘅話一定要叫呢個，超級多肉，有成7大舊仲煮得好入味同好腍。蟹肉波波$78呢個係新品黎，有幸可以一試。即叫即炸起，成舊波都係蟹肉。自己平時真係唔太鐘意去bar，但呢間幾夠私隱又靜，唔錯。