鮨處松戶 (彩星集團大廈)

Open Now

Now Closed

星期日同老公出尖沙咀食餐好既。餐廳格局好有日或既感覺。池魚碎切我地第一次食，將池魚刺身撈埋薑蔥一齊食，我老公鍾意食薑蔥，覺得好正。雜錦壽司(上)有吞拿魚腩、油甘魚、三文魚、鯛魚、帶子、池魚、海膽、三文魚籽、青瓜卷，壽司已加芥末係入面，魚生無雪味，吞拿魚腩最好食。雜錦天婦羅有3隻大蝦、紫薯、冬菇、魚、茄子，炸皮卜卜脆，炸得好香口。日式炸雞雞應該用左薑同黑椒去醃，好濃味，而且即炸既好夠熱。吉列黑豚肉炸粉薄薄地又夠脆，黑豚肉都夠厚，幾多肉汁。鹽燒小鯛魚肉嫩滑，無乜魚刺，好食。牛肉網燒牛肉唔鞋唔韌，好軟腍，個汁同牛肉好夾，好出色。燒白鱔白鱔肉質結實，燒得岩岩好。帶子牛油燒同鴻喜菇一齊燒，帶子好新鮮，食到有酒味。