Video
Read full review
2022-07-22
92 views
之前成日行過呢間係金馬倫道嘅日式餐廳，位置好方便，見佢lunch set同外賣都好抵，晚市仲有石燒和牛，今晚終於黎食啦！餐廳裝修係日式居酒屋風格，除左一般四人大枱，仲有幾張類似小包廂嘅卡位，靠近走廊位置掛咗布門簾，私隱度幾高，想坐呢款卡位就記得早啲過黎！點餐後，店員會送上黑色一次性圍裙，著咗就唔使驚整污糟件衫，可以盡情食，另外係上菜嘅時候，店員都會簡單介紹同講解石燒步驟，見到唔夠火同需要換紙都會主動幫手換。鹿兒島A4牛肩肉（$198）油花分布好平均，油份十足，所以可以就咁放上石板上面燒，而石板熱度非常夠，一放肉上去就會sha sha聲，非常治癒，咬落香軟、油香感十足！個人就好鐘意配埋蒜片及生菜（+$28）口感更加豐富之餘，仲可以減低油膩感！鹽蔥薄切牛舌（$108）店家建議燒牛舌前要塗上脂肪，然後先開始燒，如果煎完一次發覺太多油，可以用菇粒吸下，牛舌多汁又軟嫩可以輕鬆咬斷，食嘅時候可以配上蔥白同青蔥，增加香氣，仲可以蘸餐廳嘅特製醬 — 生薑芝麻汁同果味燒汁！日式唐揚雞（$42）無骨雞件裹上炸粉，外皮鹹酥香脆，可以擠上檸檬汁同配芥末沙律醬食，好有日本居酒屋味道！溫泉蛋、湯及味素飯（+$38
餐廳裝修係日式居酒屋風格，除左一般四人大枱，仲有幾張類似小包廂嘅卡位，靠近走廊位置掛咗布門簾，私隱度幾高，想坐呢款卡位就記得早啲過黎！
點餐後，店員會送上黑色一次性圍裙，著咗就唔使驚整污糟件衫，可以盡情食，另外係上菜嘅時候，店員都會簡單介紹同講解石燒步驟，見到唔夠火同需要換紙都會主動幫手換。
鹿兒島A4牛肩肉（$198）油花分布好平均，油份十足，所以可以就咁放上石板上面燒，而石板熱度非常夠，一放肉上去就會sha sha聲，非常治癒，咬落香軟、油香感十足！個人就好鐘意配埋蒜片及生菜（+$28）口感更加豐富之餘，仲可以減低油膩感！
鹿兒島A4牛肩肉
15 views
0 likes
0 comments
鹽蔥薄切牛舌（$108）店家建議燒牛舌前要塗上脂肪，然後先開始燒，如果煎完一次發覺太多油，可以用菇粒吸下，牛舌多汁又軟嫩可以輕鬆咬斷，食嘅時候可以配上蔥白同青蔥，增加香氣，仲可以蘸餐廳嘅特製醬 — 生薑芝麻汁同果味燒汁！
鹽蔥薄切牛舌
20 views
0 likes
0 comments
日式唐揚雞（$42）無骨雞件裹上炸粉，外皮鹹酥香脆，可以擠上檸檬汁同配芥末沙律醬食，好有日本居酒屋味道！
日式唐揚雞
11 views
0 likes
0 comments
溫泉蛋、湯及味素飯（+$38）值得一提嘅係呢度嘅味素飯，係暖飯上面舖滿紫菜、櫻花蝦同芝麻，食之前撈埋温泉蛋，口感順滑又香口，食到完全停唔到！另外仲有湯烏冬比唔想食飯嘅朋友，用咗扁烏冬配上昆布、白芝麻、鰹魚湯。
味素飯
11 views
0 likes
0 comments
飲品方面，我個人比較鐘意牛匠彩虹水果茶（$38），除左有豐富水果，茶味都香，可以解油膩，而芝士奶蓋四季春（$33）嘅奶蓋比較甜同唔算太滑，不過茶底幾香。
見到餐牌牛匠石燒原來仲有提供壽喜燒，下次要再嚟食同飲日本酒！
Post
