Video
Read full review
2019-05-21
216 views
平時晚餐都係食放題，燒肉之類，係k11行完街又諗唔到食咩，經過呢間鋪，就決定食番餐平民小菜。餐廳唔大，一眼望哂。約7張6人台，在望望餐廳，除左小菜，仲有炒粉面飯，感覺同茶餐廳差唔多，但服務就比茶記好，有禮貌，而且有好多外國人光顧😚點左4個小菜：西蘭花炒帶子，豉油炒虎蝦，牛仔骨同金沙鮮魷。🔸西蘭花炒帶子 $98份量超抵食，帶子好多，仲要係好大隻，未見過有餐廳賣到咁平。帶子爽口鮮甜，西蘭花亦都好新鮮唔會煮得太淋，有咬口。🔸黑椒牛仔骨 $88size都好大件，咬落肉質滑嫩，比想像中好，因坊間好多小菜既牛仔骨，一係太多油脂，一係就成塊紙皮咁，又乾又咬唔爛，呢度牛仔骨相對出色。🔸豉油皇虎蝦 $138新鮮虎蝦，爽口彈牙非急凍貨，外殻掛上豉油香味食唔停口。$138有8隻，街市新鮮基圍蝦都要80蚊1斤，更勿論大虎蝦，簡直超抵食🙀🙀🔸黃金鮮魷 $108呢個比較失色。相對大排檔，咸蛋味偏淡，睇相都知道鮮魷顏色唔係最靚。好處係唔會一件起兩件止，唔會令人覺得太油膩，越食會越想食，而且咸蛋包滿鮮魷，唔會煮到散修修。🔸凍奶茶 $18🔸凍華田 $18整體性價比極高，位置仲要係尖沙咀，呢個價錢同份量就算非
餐廳唔大，一眼望哂。約7張6人台，在望望餐廳，除左小菜，仲有炒粉面飯，感覺同茶餐廳差唔多，但服務就比茶記好，有禮貌，而且有好多外國人光顧😚
點左4個小菜：西蘭花炒帶子，豉油炒虎蝦，牛仔骨同金沙鮮魷。
🔸西蘭花炒帶子 $98
份量超抵食，帶子好多，仲要係好大隻，未見過有餐廳賣到咁平。帶子爽口鮮甜，西蘭花亦都好新鮮唔會煮得太淋，有咬口。
🔸黑椒牛仔骨 $88
size都好大件，咬落肉質滑嫩，比想像中好，因坊間好多小菜既牛仔骨，一係太多油脂，一係就成塊紙皮咁，又乾又咬唔爛，呢度牛仔骨相對出色。
🔸豉油皇虎蝦 $138
新鮮虎蝦，爽口彈牙非急凍貨，外殻掛上豉油香味食唔停口。$138有8隻，街市新鮮基圍蝦都要80蚊1斤，更勿論大虎蝦，簡直超抵食🙀🙀
🔸黃金鮮魷 $108
呢個比較失色。相對大排檔，咸蛋味偏淡，睇相都知道鮮魷顏色唔係最靚。好處係唔會一件起兩件止，唔會令人覺得太油膩，越食會越想食，而且咸蛋包滿鮮魷，唔會煮到散修修。
🔸凍奶茶 $18
🔸凍華田 $18
整體性價比極高，位置仲要係尖沙咀，呢個價錢同份量就算非旺區都未必做到，絕對值得黎食。
Post
