灜鐵板燒

Open Now

Now Closed

今日同男朋友去食飯，我哋揀咗喺尖沙咀好出名嘅瀛鐵板燒去食餐好嘅😍😍之前其實我都去過一兩次。餐廳嘅裝修好靚好日式，而且仲有專責嘅廚師為我地煮岀最新鮮嘅美食。呢樣嘢真係好吸引我！☝️☝️入到餐廳我哋就叫咗杯啤酒，一路飲住啤酒一路睇住廚師嘅嘢食。感覺好似去左日本咁。🐮🐮A5佐賀和牛🐮🐮和牛超新鮮，而且脂肪同牛肉嘅比例啱啱好。和牛煮到啱啱好。廚師只係簡單咁調味，咁樣反而令牛肉嘅味道更突出。 而且牛肉非常鮮嫩多汁。真係好好味😋🦈🦈黃金銀鱈魚🦈🦈呢個配搭我都係第一次食，鹹蛋黃同魚嘅比例啱啱好。魚肉非常新鮮嫩滑，加埋超濃郁嘅鹹蛋黃。味道神奇地夾😍😍。而且兩樣嘢唔會搶過大家嘅味道。超正！🦐🦐鐵板賴尿蝦🦐🦐賴尿蝦燒到啱啱好，口感十分爽脆彈牙！廚師都係只做咗簡單嘅調味。令到賴尿蝦嘅味道更加鮮甜同濃郁！而且賴尿蝦分量十足，食落口完全係啖啖肉嘅感覺。正！👍🏻👍🏻👍🏻