二鍋頭 (嘉芙中心)

Open Now

Now Closed

🔸120分鐘火鍋放題🔹嚴選安格斯牛 $268🔹羊腩煲 +$88🔹養生滋補鷓鴣鍋 +$68-天氣開始轉涼，就同男朋友一齊去食雞煲、打邊爐啦！依間二鍋頭竟然仲有埋任食羊腩煲、豬手煲等等，一次過滿足晒N個願望！雖然係任食，但用料都唔馬虎架，羊腩煲有齊花菇、馬蹄、枝竹、同筍片，食落成個人都暖笠笠！跟住就食惹味雞煲，叫咗麻辣小辣都好夠麻好夠辣，雞肉都滑唔嚡口，仲有大量芫茜，芫茜控超開心！再試埋男朋友最愛嘅黑椒豬手煲，出場會噴火超級搶眼，食落豬手充滿骨膠原勁養顏啊！最後先轉湯底打邊爐，加錢要咗好少見嘅養生滋補鷓鴣鍋，補一補。火鍋肉類同海鮮等可以用QR Code落單，其他嘅丸類同蔬菜就可以去自助區自己拎。仲有飲品、唔同嘅雪糕雪條都係任食，超級抵食。