鮨石 (Closed)

尖沙咀鬧市中地舖中開左一間新omakase餐廳，今日慶祝朋友生日，訂左兩位晚上omakase!店內唔大，只有10個座位，侍應對每位客人都細心照顧。當晚唔多人，師傅同左我地講好多野，介紹每一道菜既做法、食物既產地，過程中又欣賞到佢既技藝，所以omakase貴在除左食物好食、食材矜貴外，重要既係同師傅既交流，欣賞佢對食物既堅持，對藝術既追求，事實上每一件食物都好似藝術品咁！我揀左幾款心水既介紹比大家：先附 (抹茶豆腐、天婦羅魚春、水雲)抹茶豆腐作為前菜，一開始感到有少少奇怪，以為係甜品，但食落口，先有淡淡的抹茶味，後勁有豆腐濃濃嘅豆香，令人耳目一新！水雲係藻類，食落口黏黏稠稠，有少少酸酸地。再加上天婦羅魚春，先附有齊不同味道，不同口感，真係好有驚喜。北海道粒貝呢種貝類好特別，爽口清甜，亦有淡淡海水味，配左檸檬汁同海鹽令貝味更出。秋刀魚壽司呢度做法不用一般既鹽醋漬，改用新鮮上，加上特切法，完成品好靚！中拖羅壽司拖羅配鹽第一次食，少少鹽既咸香中和拖羅肥膩嘅感覺，出奇地配合。其他魚類樣樣都好新鮮，師傅工功精準，壽司飯恰到好處，總體嚟講，呢個omakase都幾值得去!