Video
Read full review
2023-07-05
53 views
餐廳地點都幾就腳，就喺諾士佛台側邊入去。經過聽到歌聲吸引，所以我哋入咗去坐嘅位置都闊落。第一個頭盤我哋有生蠔，生蠔嘅size都幾大，而且夠新鮮仲有擺設，佢個碟中間放咗乾冰，所以上枱嘅時候有煙既效果，可以影相打卡。之後由佢哋自製嘅辣醬焗薯仔，薯仔夠脆身，都幾香。而且個份量都幾多，我覺得夠三至四人分享。個餐仲會有小食，係蟹餅。蟹餅揸得唔會太鬆脆幾有口感，如果飲酒食會幾夾。佢上面仲會有啲魚子添，見到魚子就會覺得幾抵食。之後main course有意大利飯，我個人比較鍾意食濃綢小小嘅汁，以佢呢個就會冇咁濃，但係味道層次啱啱好。如果鍾意食得冇咁鹹嘅人就會覺得呢個味道適合。另一個主菜係牛扒，佢會另外有醬汁擺喺側邊俾你自己點，牛扒我叫咗5成，食落有肉汁，有少少脆身，一路飲酒一路食，覺得味道非常好。呢間酒吧算喺香港，比較新式嘅酒吧，因為冇乜見到有配備有埋手機appVSING去俾你登記做會員，之後點歌上台挑戰，然後台上嘅螢幕會出現你嘅會員名同挑戰歌曲，台下嘅人仲可以用app入面嘅貨幣去為你製造唔同嘅舞台效果，仲有加油字句，送禮物都得。舞台設計都夠大，而且仲有燈光配合，所以氣氛一流，感覺會好似同一班朋友慶
第一個頭盤我哋有生蠔，生蠔嘅size都幾大，而且夠新鮮仲有擺設，佢個碟中間放咗乾冰，所以上枱嘅時候有煙既效果，可以影相打卡。
之後由佢哋自製嘅辣醬焗薯仔，薯仔夠脆身，都幾香。而且個份量都幾多，我覺得夠三至四人分享。
個餐仲會有小食，係蟹餅。蟹餅揸得唔會太鬆脆幾有口感，如果飲酒食會幾夾。
佢上面仲會有啲魚子添，見到魚子就會覺得幾抵食。
之後main course有意大利飯，我個人比較鍾意食濃綢小小嘅汁，以佢呢個就會冇咁濃，但係味道層次啱啱好。如果鍾意食得冇咁鹹嘅人就會覺得呢個味道適合。
另一個主菜係牛扒，佢會另外有醬汁擺喺側邊俾你自己點，牛扒我叫咗5成，食落有肉汁，有少少脆身，一路飲酒一路食，覺得味道非常好。
呢間酒吧算喺香港，比較新式嘅酒吧，因為冇乜見到有配備有埋手機appVSING去俾你登記做會員，之後點歌上台挑戰，然後台上嘅螢幕會出現你嘅會員名同挑戰歌曲，台下嘅人仲可以用app入面嘅貨幣去為你製造唔同嘅舞台效果，仲有加油字句，送禮物都得。
舞台設計都夠大，而且仲有燈光配合，所以氣氛一流，感覺會好似同一班朋友慶祝緊開party。
Post
