冬蔭NOODLE (Closed)

之前見依間餐廳評分幾高，就決定happy Friday同朋友去試下。間餐廳地理位置幾方便，喺the one對面，好容易揾。一入餐廳就見到幾盞Leon light, 泰國餐廳好少咁少女心，成間餐廳都係粉紅色，座位唔會好迫，坐得都幾舒服。1. 冬蔭公海鮮金邊粉賣相唔錯，海鮮種類有青口、大頭蝦(似迷你版小龍蝦)、蝦仁、魷魚，仲有彈牙白魚蛋。湯底幾濃郁，唔會太辣，酸味適中，金邊粉可以掛冬陰公湯汁，開胃入味，成碗粉口感豐富，幾滋味，但夜晚食完有啲口渴。2. 海南雞飯我朋友叫左海南雞飯，雞好滑亦幾肥美，中上水準，唯一係無甜豉油配飯，但價錢喺尖沙咀黎講，已經唔算太貴，但要加一。