羅勇泰國粉麵 (Closed)

呢間係地理位置 超好嘅泰國菜餐廳，地鐵站一出去行幾分鐘就到，而且估唔到 咁抵食，一個午市套餐平均都係40幾蚊，可以食到一個海南雞飯，再加碗椰子雞湯，真係一流 。呢個海南雞飯啲雞都算幾滑， 油飯好香 ，最好嘅就係個椰子雞湯，好有椰香味 ，佢加咗啲紅棗喺湯入面， 甜甜地，而且可以補眼真係一流。我哋仲叫咗個海南雞湯河， 湯河湯底好特別， 啲可粉好有咬口 。小食方面我哋叫咗個泰式生蝦，加埋啲蒜頭喺上面食， 真係幾惹味，而且掂咗少少嘅泰式辣醬，可以帶出佢嘅鮮味。最後我哋叫咗個椰青水， 椰青好大個，裏面嘅份量可以足夠兩個人飲 ，而且好有鮮味，我哋拮曬裏面啲椰青肉嚟食添！