燒肉801

Open Now

Now Closed

之前朋友介紹呢間燒肉店唔錯，因為好耐無見朋友所以約埋朋友過來食下燒肉，傾下計。⭐️Omakase 3人套餐套餐都包了唔少食物，有鹽味牛舌、美國牛肋骨條肉、美國牛肩胛肉、上級牛肋眼卷肉、牛板腱肉、沙律、薯蓉、蘿蔔醬油漬、淺漬青瓜、韓國年糕、泡菜、生菜。分量好豐富。牛舌好厚實；牛肋骨肉燒完仲有唔少肉汁，好juicy；牛肩胛肉油花好靚，配埋生菜&泡菜一齊食，減下油膩感。牛肋眼卷肉都唔錯，薄切嘅肉片入口就融化。⭐️辛辣味噌牛腸燒完之後牛腸表面好脆口，而且脂肪又唔會好多。⭐️辛辣味噌九州雞心雞心口感彈牙，好食。