Video
Read full review
2016-07-10
621 views
尖沙咀的日本菜選擇好多，但係可以稱得上夠正宗日本口味，食材新鮮，價錢又合理既，我覺得上岸日本料理，有佢獨當一面嘅魅力。從門口入到上岸，就會覺得佢有一種老字號嘅說服力。今晚我就係上岸食咗一餐無論從服務、環境、食物質素同價錢，都覺得非常滿意。誠意向大家推介一下。店內嘅裝修清新簡約，踏實而唔浮誇。係睇Menu嘅時候，有唔明白嘅地方，店員都會友善而細心地介紹菜式，感覺舒適。今次就由日本啤酒同沙律開始!鏗魚沙律 HK 68鰹魚為紅魚肉，外層先燒香，魚肉帶鹹香。以前唔係太鍾意食呢種魚，最近食多咗，慢慢感覺它既好味之處，肉質係越咬越滋味味種。新鮮嘅沙律菜，混合左微酸既梅醋汁，係一個非常開胃，色澤亮麗又好味嘅沙律。之後叫左冬菇博多天婦羅 HK 70 同蒸蛋。天婦羅炸得皮薄乾爽，蔬菜嘅水份都被完美地保留。最特別係冬菇裏面釀左鮮蝦膠，口感豐富。香港做得靚嘅天婦羅唔多，上岸嘅天婦羅做得幾到家。一齊配合凍啤酒或者凍清酒食，絕配也。見到每台客都食茶蒸蛋，所以我哋都叫埋一份。原來係海膽松葉蟹蒸蛋 HK 85。佢嘅特色係最底果層係豆腐，中間蒸蛋部份有蟹柳，最上面係海膽。海膽鮮甜，層層滋味，最底既豆腐好香滑，令人回味
從門口入到上岸，就會覺得佢有一種老字號嘅說服力。今晚我就係上岸食咗一餐無論從服務、環境、食物質素同價錢，都覺得非常滿意。誠意向大家推介一下。店內嘅裝修清新簡約，踏實而唔浮誇。
係睇Menu嘅時候，有唔明白嘅地方，店員都會友善而細心地介紹菜式，感覺舒適。
今次就由日本啤酒同沙律開始!
鏗魚沙律 HK 68鰹魚為紅魚肉，外層先燒香，魚肉帶鹹香。
以前唔係太鍾意食呢種魚，最近食多咗，慢慢感覺它既好味之處，肉質係越咬越滋味味種。
新鮮嘅沙律菜，混合左微酸既梅醋汁，係一個非常開胃，色澤亮麗又好味嘅沙律。之後叫左冬菇博多天婦羅 HK 70 同蒸蛋。
天婦羅炸得皮薄乾爽，蔬菜嘅水份都被完美地保留。
最特別係冬菇裏面釀左鮮蝦膠，口感豐富。
香港做得靚嘅天婦羅唔多，上岸嘅天婦羅做得幾到家。一齊配合凍啤酒或者凍清酒食，絕配也。見到每台客都食茶蒸蛋，所以我哋都叫埋一份。
原來係海膽松葉蟹蒸蛋 HK 85。
佢嘅特色係最底果層係豆腐，中間蒸蛋部份有蟹柳，最上面係海膽。
海膽鮮甜，層層滋味，最底既豆腐好香滑，令人回味無窮。主食叫左中華冷麵 HK 75，係大熱既夏天，食中華拉麵真係非常舒暢，芝麻醬加上青瓜、蛋絲、海蜇、蟹柳、叉燒，消暑醒胃，上枱唔夠五分鐘已被消滅。如果你係鍾意食冷烏冬嘅朋友，不妨改一改口味，試吓呢個中華冷面。
最後食咗個紫薯雪糕做甜品，貫徹冰涼口感。呢個紫薯有點偏甜，夏季紫薯當做嘛。
開開心心係上岸食完飯，再開開心心喺附近坐低飲杯野。一晚就係如此滿足。Post
