柏 (Closed)

喺尖沙咀嘅柏，佢哋最近推出咗新嘅二人晚市套餐，入面有好多嘢食，分別有精選沙律、時令刺身3點、串燒 5點、季節料理、壽司 8貫、鯛魚湯、甜品。是日精選沙律係胡麻醬豆腐沙律：喺清新爽脆嘅沙律菜上，除咗有嫩滑口感嘅豆腐之外，仲有好多鮮甜無比嘅蟹肉，同埋增添口感嘅蟹籽。將麻醬同沙律菜撈勻一齊食，味道會更好。時令刺身3點：入面分別有油甘魚，深海池魚，巨人八爪魚，油甘魚富魚油，油香較重，口感較軟嫩。深海池魚魚味較重，味道鮮甜。巨人八爪魚第一次食，比平時嘅八爪魚更加彈牙爽口，好有嚼勁。串燒五點：入面嘅串燒分別雞腎、牛舌、雞腿肉、蘆筍、雞翼等。佢哋嘅牛舌真係好好食，首先用咗厚切，食落夠哂滿足感，牛味勁濃，口感軟嫩爽彈，而雞翼都係我鍾意，將雞皮燒得好脆，但肉質仍能保持嫩滑多汁。季節料理為牛油雜菌炒帶子：用咗多款嘅菇菌配埋帶子用牛油一齊炒，牛油味勁濃，帶子鮮甜嫩滑，同菇菌嘅味道好夾。壽司8貫：八件嘅壽司分別有深海池魚、帆立貝、三文魚、大拖羅、赤貝、金目鯛、伊佐木、魴鮄。佢哋嘅壽司都用上當季時令，而入面最鍾情一定係大拖羅，入口即化嘅口感，油香魚味都好濃，金目鯛夠哂鮮味，帆立貝就鮮甜十足，伊佐木肉質較彈牙，魴