海陸空

Open Now

Now Closed

大家都知尖沙咀不嬲都有好多韓國餐廳，但係就未必間間都係好地道，但係今次我去呢間就唔同啦，可以講話係全尖沙咀最有韓國feel嘅餐廳。除咗裝修風格，最重要係成個氣氛都好似返咗韓國一樣，食完如果覺得啱嘅仲可以喺門口買番啲韓國進口食品。🤣韓式滷豬腳拼韓式菜肉包 韓式拌麵滷水豬蹄滷汁十分入味，豬蹄肥瘦適中，咬落口入口即化。至於另一半嘅白切豬肉就係有另一種風味，肉質鮮嫩入口多汁，一濃一淡嘅組合非常互補。韓式拌麵就係一貫韓國Q彈Q彈嘅麵質，配合埋新鮮蔬菜同埋韓式辣醬，非常開胃。😋燉牛排骨湯配飯一試個湯底就知佢地用咗唔少心思，滋味濃郁，而且大大支嘅人蔘滲出嚟有濃郁嘅人蔘味道。牛排骨就燉得恰到好處，啲肉鬆軟，一咬即化。🤩醬油蟹套餐經典菜式一樣冇令人失望，大量金黃色嘅蟹膏爆曬出嚟咁，蟹肉吸收晒醬汁，亦都大大啖新鮮香甜，再配埋紫菜同白飯真係一流！🥳最後臨走見到門口仲有免費嘅韓國益力多任你飲😝正啊！