板長壽司 (Closed)

六月二十日(五)板長、板前新聞傳出左幾日，個人覺得尼段時間先係最安全，加上想去尖沙咀板長食好耐，所以無有怕同老婆照去板長度食壽司，去到發覺面口一個都無，唔使排隊就可以入座，仲兩個人座四人枱添！三文魚刺身好大塊好厚，又新鮮有魚味，六大塊，食到好滿足～三文魚壽司魚都幾大，高水平～珍寶帆立貝壽司夠大舊，口感一流，啖啖肉，配合埋青檸唔錯吞拿魚壽司好耐無食過，尼度可以叫一舊試下，都係無乜感覺，三文魚好食D，可能吞拿魚都係要食拖羅～火炙鰻魚鰻魚幾大件，燒得唔錯，亦多燒汁，喜歡鰻魚既我實在太愛佢～火炙三文魚入口即溶，尼種感覺實在太好，同生既三文魚又係兩種風味～海膽軍艦之前未食過海膽壽司，因為睇落無乜好感，又聽人講唔靚既好鯹好難食，見尼度可以叫一舊就試試佢，食落係無乜味道，但好肯定唔鯹，有種凍凍地感覺，可能尼種就係人地講既海水味，都幾特別，唔錯～蒸蛋好滑，尼度比平時板前多汁冋料，唔錯～燒玉子之前覺得板前燒玉子有時煮得過火小小，但尼度睇落煎得幾香但又唔會老，比淘大店好，玉子中間有紫色一層未知係咩黎～天婦羅蝦錯普通通，唔算好，有塊天婦羅樹葉係頂～整體黎講每樣野都新鮮，非常好～　唔使等位兩個人座四人枱晚餐真